ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

“د برېښنايي تذکرو د وېش ادارې کوم نوى کارکوونکى نه دى استخدام کړى”

“د برېښنايي تذکرو د وېش ادارې کوم نوى کارکوونکى نه دى استخدام کړى”

author avatar
16 Mar 2016 - 19:36
“د برېښنايي تذکرو د وېش ادارې کوم نوى کارکوونکى نه دى استخدام کړى”
author avatar
16 Mar 2016 - 19:36

کابل (پژواک ٢٦ کب ٩٤): د کورنيو چارو وزارت وايي، د برېښنايي تذکرو د وېش ادارې تر اوسه کوم نوى کارکوونکى نه دى ګومارلى.

دا په داسې حال کې ده چې د برېښنايي تذکرو له ادارې څخه يو شمېر ګوښه شوو کارکوونکو پرون ويلي و، چې دوى د بوديجې د نه شتون له امله له دندو ګوښه شوي، خو پر ځاى ځينې نور کسان په لوړو معاشونو سره په دندو ګومارل شوي دي.

د کورنيو چارو وزارت له لوري پژواک خبري اژانس ته په رالېږل شوې خبرپاڼه کې ويل شوي، چې د روان کال د ليندۍ مياشتې په وروستيو کې د کورنيو چارو وزارت د برېښنايي تذکرو اداره د معاشونو د ورکړې په برخه کې د بوديجې له ستونزې سره مخامخ شوه، له هغه وروسته پرېکړه وشوه، څو د يادې ادارې د ډېرى کارکوونکو دندې د تذکرو د لړۍ تر بيا پيل پورې وځنډول شي.

سرچينې زياته کړې، د يادې ادارې له ټولو کارکوونکو يواځې ٥٠ کسان پر خپلو دندو پاتې شول، څو د اړتيا وړ چارې او ورځني کارونه پر مخ يوسي.

سرچينې زياته کړې، يادې ادارې له هغه مهال راهيسې د نوي کارکوونکي په توګه کوم کس نه دى استخدام کړى او په دې اړه داسې ادعاوې، چې ګني د پخوانيو کارکوونکو پر ځاى نوي کارکوونکي پر دندو ګومارل شوي، بې بنسټه دي.

د کورنيو چارو وزارت وايي، د برېښنايي تذکرو د وېش اداره په دې ټينګار کوي، چې د دغې ادارې پخواني کارکوونکي د کاري چارو پر مخ وړلو په برخه کې له ډېرو مهارتونو برخمن دي او چې کله هم د تذکرو د وېش لړۍ پيل شي، نو هغوى به بېرته خپلو دندو ته ور وغواړي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.