جلال اباد (پژواک، ١٠ غويى ٩٥) : د ننګرهار ولايت په مرکز جلال اباد ښار کې د يوې استرليايۍ مېرمنې د تښتولو په تور اته تنه نيول شوي دي .
دغه مېرمن تېره ورځ په جلال اباد ښار کې د ناپېژانده وسله والو لخوا وتښتول شوه .
د ننګرهار د والي وياند عطاء الله خوږياڼي د غويي په ١٠مه، پژواک خبري اژانس ته وويل چې ددغې استرليايۍ مېرمنې د تښتونې په تور په جلال اباد ښار کې د ګلدوزۍ د يوه دفتر اته کارکوونکي نيول شوي دي.
ده وويل ، ګومان کيږي له کومه ځايه چې دا مېرمن تښتول شوې نو د همدې دفتر کارکوونکي به په دې پېښه کې لاس ولري .
خوږياڼي د ګلدوزۍ ددې دفتر په اړه څه ونه ويل چې يادفتر په کومې ادارې پورې اړه لري ، خو په ډاګه يې کړه چې نيول شوي کسان افغانان دي او تر څېړنو لاندې دي.
تېره ورځ داسې ويل کېدل چې دا بهرنۍ مېرمن د ډاکار موسسې اړونده وه ، خو وروسته ډاکار موسسې دا خبره رد کړه او ويې ويل چې ددوى کوم بهرنى کارمند نه دى تښتول شوى .
د يادونې ده چې تېره ورځ د والي وياند خوږياڼي پژواک ته ويلي و چې ياده ميرمن له کابل څخه راغلې وه او د جلال اباد په سپين غر هوتل کې مېشته وه، خو پرته له دې چې امنيتي ځواکونه په جريان کې کړي، د جلال اباد ښار څلورمه ناحيه کې يوه دفتر ته تللې وه ، چې له هغه ځايه وسله والو تښتولې ده .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن