پل علم (پژواک، ٢٧ غويی ٩٥): د لوګر ولايت پر امنيې قوماندانۍ د وسله والو طالبانو د بريد په ترڅ کې پنځه کسان ټپيان شوي دي.
د لوګر د والي وياند سليم صالح د غويي په ٢٧مه پژواک خبري اژانس ته وويل چې تېره شپه ناوخته لسګونو وسله والو طالبانو د امنيې قوماندانۍ پر ودانۍ بريد وکړ.
هغه وايي چې وسله وال طالبان د امنيتي ځواکونو له کلک مقاومت سره مخ شول او بريد يې پر شا وتمبول شو.
د صالح په وينا، په دغه بريد کې هېچا ته مرګ ژوبله نه ده اوښتې.
خو د لوګر د عامې روغتيا سرپرست رئيس ګل رحمن شاهي پژواک ته وويل چې د تېرې شپې په بريد کې د يو ډاکتر په ګډون پنځه تنه ټپيان شوي دي.
هغه زياته کړه: ((له قوماندانۍ سره څنګ ته زموږ د معتادينو شفاخانه ده، يو توغندى په شفاخانې لګېدلى چې يو ډاکتر او څلور مريضان پکې ټپيان شوي دي.))
ده وويل چې د ټپيانو روغتيايي حالت د ډاډ وړ دى.
وسله وال طالبان هم ياد بريد تاييدوي.
د دې ډلې وياند ذبيح الله مجاهد پژواک ته وويل چې تېره شپه ګڼو طالبانو د لوګر پر امنيې قوماندانۍ بريد کړى دى.
هغه وايي چې په دغه بريد کې ګڼ شمېر پوليسو ته مرګ ژوبله اوښتې خو د کره شمېرې په اړه يې معلومات نه درلودل.
ده وويل چې په دغه بريد کې طالبانو ته کومه مرګ ژوبله نه ده اوښتې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن