ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

طالبانو د لوګر د څرخ ولسوالۍ د پوهنې امریت کار کوونکي له دندو ګرځولي

طالبانو د لوګر د څرخ ولسوالۍ د پوهنې امریت کار کوونکي له دندو ګرځولي

author avatar
16 May 2016 - 20:52
طالبانو د لوګر د څرخ ولسوالۍ د پوهنې امریت کار کوونکي له دندو ګرځولي
author avatar
16 May 2016 - 20:52

پل علم (پژواک، ۲۷ غویی ۹۵): د لوګر د پوهنې رياست چارواکي وايي چې وسله والو طالبانو د څرخ ولسوالۍ د پوهنې امريت اړوند ټول کارکوونکي دندې ته له تګ څخه منع کړي.

د دغه ریاست ویاند محمد شاه پور عرب د غويي په ٢٧مه پژواک خبري اژانس ته وویل چې تېره ورځ وسله والو طالبانو د څرخ ولسوالۍ د پوهنې امريت ټولو کارکوونکو ته ګواښ کړی چې نور دندې ته ولاړ نه شي.

عرب وایي: "د وسله والو له لوري د څرخ د پوهنې په کارکوونکو د کار بندیز، د دې ولسوالۍ د پوهنې بهیر ټکنی کړی دى."

هغه وويل چې د قومي مشرانو په استازيتوب هڅې پيل شوې تر څو ياده ستونزه حل شي.

د څرخ ولسوالۍ د پوهنې امر قربان شاه پژواک ته وویل چې وسله والو طالبانو ورته ويلي، له خپلو ټولو کارکوونکو سره دندې ته ولاړ نه شي.

قربان شاه وایي: "طالبانو له مونږ څخه ځينې غوښتنې درلودې چې هغه زما له صلاحيت څخه لوړ وو، پوره مې نه کړل نو ځکه اوس يې زه سره له نورو کارکوونکو په کور کېښنولي يو."

خو هغه د طالبانو د غوښتنو په اړه معلومات ورنه کړل.

دغه راز د څرخ ولسوالۍ د بازار اوسېدونکي سيد عجب هم وويل چې له تېرې ورځې راهيسې د پوهنې امريت تړل شوى دى.

وسله وال طالبان هم ياده موضوع تاييدوي.

د دې ډلې وياند ذبيح الله مجاهد پژواک ته وويل چې د څرخ ولسوالۍ د پوهنې امريت د دوى غوښتنې نه دې منلې نو ځکه دندې ته له تګ څخه منع شوي دي.

هغه زياته کړه: "زموږ يوه غوښتنه دا وه چې د ولسوالۍ په ټولو ښوونځيو کې دى دوه تنه ديني عالمان د ښوونکو په توګه وګومارل شي او بله دا چې ښوونکي دې په وخت دندو ته حاضر شي نو دا يوه هم ونه منل شوه نو ځکه موږ د پوهنې امريت کارکونکي دندې له تګ څخه منع کړي دي. "

مجاهد وايي که د دوى غوښتنې ونه منل شي تر هغه به د څرخ د پوهنې امريت کارکوونکي دندې ته د تګ اجازه پيدا نه کړي.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.