ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

افغان ځانګړو ځواکونو خوست کې د ملي اردو دوه پخواني سرتېري وژلي

افغان ځانګړو ځواکونو خوست کې د ملي اردو دوه پخواني سرتېري وژلي

author avatar
5 Jun 2016 - 11:52
افغان ځانګړو ځواکونو خوست کې د ملي اردو دوه پخواني سرتېري وژلي
author avatar
5 Jun 2016 - 11:52

خوست ښار (پژواک، ١٦ غبرګولى ٩٥): په خوست ولايت کې د افغان ځانګړو ځواکونو په عملياتو کې د ملي اردو د دوو پخوانيو سرتېرو په ګډون درې کسان وژل شوي دي.

دغه عمليات تېره شپه د خوست د صبريو ولسوالۍ د مدخېلو په سيمه کې د کمپاين په نوم د ځانګړو ځواکونو له خوا ترسره شوي دي.

د سيد ولي په نوم د يادې سيمې يوه اوسېدونکي د غبرګولي په ١٦مه پژواک خبري اژانس ته وويل چې د شپې په دوو بجو د کمپاين ځانګړو ځواکونو د لوډسپېکرونو له لارې اعلان وکړ چې دوى عمليات کوي او له خلکو یې وغوښتل چې وسلې دې نه اخلي.

هغه زياته کړه چې د عملياتو پر مهال له يوه کور څخه چې شخصي دښمني لري، له دوى سره مقاومت شوى چې په پايله کې يې د دوو وروڼو او يو تره زوى په ګډون درې تنه ووژل شول.

د يادې کورنۍ يوه غړي او د ملي اردو پخواني افسر کريم پژواک اژانس ته وويل چې دوى هېڅ مقاومت نه دى کړى.

دى وايي: ((امنيتي ځواکونو زموږ لاسونه وتړل او له کوره يې بهر کړو، وروسته يې درې کسان په تړلي لاسونو ووژل.))

د نوموړي په وينا، دوه وژل شوي وروڼه یې د ملي اردو پخواني سرتېري وو.

کريم ادعا وکړه چې دغه عمليات د شخصي عقدې له مخې ترسره شوي او له حکومت يې وغوښتل چې په دې اړه پلټنې وکړي.

د خوست د والي وياند مبارز ځدراڼ په صبريو ولسوالۍ کې ياد عمليات تاييد کړل، خو په دې اړه يې نور جزئيات ورنه کړل.

د يادونې ده، ياده کورنۍ شخصي دښمني لري او څو کاله مخکې يې پر کور موټربم بريد شوى و چې په پايله کې يې دوه کسان وژل شوي وو.

د کمپاین ځواکونو تر اوسه په دې اړه څه نه دي ویلي.

کمپاين هغه افغان ځانګړى ځواک دى چې د بهرنيو ځواکونو له خوا تمويلېږي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.