جلال اباد (پژواک، ٢٨غبرګولى ٩٥) : د ننګرهار د والي وياند وايي چې په کوټ ولسوالۍ کې يو ځانمرګى بريدکوونکى موخې ته له رسېدو مخکې د امنيتي ځواکونو له خوا ووژل شو .
د ننګرهار د والي وياند عطاالله خوږياڼي د غبرګولي په ٢٨مه پژواک اژانس ته وويل چې نن سهار يوه ځانمرګي بريد کوونکي غوښتل چې پر سيمه ييزو پوليسو بريد ترسره کړي چې د امنيتي ځواکونو له خوا ووژل شو .
د ننګرهار امنيه قوماندان مل پاسوال زړور زاهد وويل چې دغه بريدګر غوښتل د کوټ ولسوالۍ په جنجال غونډۍ سيمه کې په ملي او سيمه ييزو پوليسو ځانمرګى بريد تر سره کړي .
ده وويل چې ځانمرګى بريد کوونکى د امنيتي سرتېرو له خوا ووژل شو او بل چاته په کې زيان نه دى رسېدلى .
زاهد وايي چې دغه ځانمرګى بريد کوونکى يې تر پېژندلو وروسته وژلى دى.
د کوټ يوتن اوسېدونکي سعيدالله پژواک اژانس ته وويل چې دوى هم له يادې پېښې خبر شوي، خو په اړه يې دقيق معلومات نه لري .
د دولت وسله والو مخالفينو ترواسه پورې په دې اړه څه نه دي ويلي .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن