ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

لغمان کې چاودنې یو سیمه ییز پولیس او شپږ ملکي وګړي ټپیان کړي

لغمان کې چاودنې یو سیمه ییز پولیس او شپږ ملکي وګړي ټپیان کړي

author avatar
22 Jul 2016 - 12:03
لغمان کې چاودنې یو سیمه ییز پولیس او شپږ ملکي وګړي ټپیان کړي
author avatar
22 Jul 2016 - 12:03

مهترلام (پژواک، د زمري لومړۍ نېټه ٩٥): د لغمان په عليشنګ ولسوالۍ کې د ماين چاودنې له امله يو سيمه ييز پوليس او شپږ ملکي وګړي ټپيان شوي دي.

د لغمان د والي وياند سرحدي ځواک د زمري په لومړۍ نېټه پژواک خبري اژانس ته وويل چې نن له غرمې مخکې شاوخوا يوولس بجې د عليشنګ ولسوالۍ د نجارانو په سيمه کې د ماين چاودنه وشوه.

هغه وويل: ((دغه ماين د علينګار ولسوالۍ د سيمه ييزو پوليسو پر رينجر نښلول شوی و چې د عليشنګ ولسوالۍ په نجارانو سيمه کې يې چاودنه وکړه.))

د ځواک په وينا، په دې چاودنه کې يو سيمه ييز پوليس او شپږ ملکي وګړي ټپيان شوي دي.

د هغه د معلوماتو له مخې، ټپيان روغتون ته لېږدول شوي او څلور تر درملنې وروسته رخصت شوي دي او درې نور لا هم بستر دي.

د نجارانو سيمې اوسېدونکي زمريالي پژواک ته وويل چې دغه چاودنه د سيمه ييزو پوليسو پر رينجر موټر شوې ده.

ده وويل چې په دې چاودنه کې پوليس او عام خلک ټپيان شوي خو د کره شمېرې په اړه يې معلومات نه درلودل.

زمريالى وويل چې د پوليسو رينجر موټر هم زيانمن شوى دى.

د دولت وسله والو مخالفينو تر اوسه د دې چاودنې په اړه څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.