ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د یوه قوماندان په ګډون پنځه وسله وال وژل شوي

د یوه قوماندان په ګډون پنځه وسله وال وژل شوي

author avatar
28 Jul 2016 - 12:43
د یوه قوماندان په ګډون پنځه وسله وال وژل شوي
author avatar
28 Jul 2016 - 12:43

پل علم- لښکرګاه (پژواک، ٧ زمرى ٩٥): چارواکي وايي چې په لوګر او هلمند ولايتونو کې د يوه قوماندان په ګډون پنځه وسله وال وژل شوي او دوه نور قوماندانان ژوندي نيول شوي دي.

د لوګر د والي وياند سليم صالح د زمري په ٧مه پژواک خبري اژانس ته وويل چې تېره شپه د محمداغې ولسوالۍ د سرخاب په سيمه کې د امنيتي ځواکونو او طالبانو تر منځ نښته شوې ده.

هغه وايي چې په دې نښته کې د ملا سورګل په نوم د طالبانو قوماندان او درې نور ملګري يې وژل شوي دي.

هغه زياته کړه: ((دوى په يو کور کې پټ شوي وو، امنيتي ځواکونو ته تسليم نه شول او جګړه يې وکړه چې بيا ټول و وژل شول.))

صالح وايي چې له وژل شوو کسانو څلور ميله وسلې هم د امنيتي ځواکونو لاس ته ورغلې دي.

د سرخاب سيمې اوسېدونکي ګلزار پژواک ته وويل چې تېره شپه يوه بجه د دوى په سيمه کې نښته شوې ده.

هغه وويل: ((ملا سورګل دلته د طالبانو مشهور قوماندان وو چې بېګا له خپلو ملګرو سره وژل شوى او مړي يې تر اوسه په هماغه کور کې پراته دي.))

محمد اغه د کابل په ٣٠ کيلومترۍ کې د مرکز پل علم شمال لور ته پرته ده چې د لوګر د امنو ولسواليو له ډلې شمېرل کېږي.

دغه راز د يو بل خبر له مخې، په هلمند ولايت کې د ملي امنيت ځواکونو له لوري څلور طالبان نيول شوي او يو بل وژل شوى دى.

د اړوندې موضوع په اړه د ملي امنيت د مطبوعاتي دفتر له لوري پژواک ته په رالېږل شوې خبرپاڼه کې راغلي چې د هلمند په مربوطاتو کې د ملي امنيت ځواکونو د دوو قوماندانانو ملا ښايسته او مولوي حقيار په ګډون څلور طالبان نيولي دي.

سرچينه زياتوي چې د دغو قوماندانانو د نيولو پر مهال يو بل طالب وژل شوى هم دى.

د خبرپاڼې له مخې، له نیول شوو کسانو یوه پیکا، دوه کلاشینکوفونه او یو کرولا موټر هم ترلاسه شوي دي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.