ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د ملي امنیت سلاکار ایران ته لاړ

د ملي امنیت سلاکار ایران ته لاړ

author avatar
6 Aug 2016 - 16:58
د ملي امنیت سلاکار ایران ته لاړ
author avatar
6 Aug 2016 - 16:58

کابل (پژواک، ١٦ زمرى ٩٥): د ملي امنيت سلاکار ايران ته د دواړو هېوادونو د ګډې پولې په اوږدو کې د امنيت د ټينګښت په موخه سفر کړى دى.

د ملي امنيت شورا له دفتر څخه پژواک خبري اژانس ته په رالېږل شوې خبرپاڼه کې راغلي، چې د ايران د ملي امنیت شورا مشر علی شمخاني د رسمي بلنې پربنسټ د ملي امنیت سلاکار محمد حنیف اتمر، نن هغه هېواد ته د یوه دوه ورځني رسمي سفر لپاره تللی دی.

سرچينه کاږي، د ملي امنیت سلاکار د دې سفر په ترڅ کې له خپل ایراني سیال علي شمخاني او د بهرنیو او کورنیو چارو له وزیرانو سره دوه اړخیزې ليدنې لري.

سرچينه زياتوي، په دې ليدنو کې د ترهګرۍ ضد مشترکې مبارزې، د نشه یی توکو د کښت تولید او قاچاق مخنیوي مشترکو هڅو او د افغانستان او ایران د ګډې پولې په اوږدو کې د امنیت د تامینولو په اړه خبرې کېږي.

د خبرپاڼې په حواله، د دې سفر هدف د دواړو هېوادونو ترمنځ د ترهګرۍ د ګواښونو د له منځه وړلو او د افغانستان او ایران ګډې پولې په اوږدو کې د امنیت د ټينګښت لپاره د تګلارو او پالیسیو په کچه همغږي او نږدېوالی رامنځته کول دي.

د ملي امنيت سلاکار حنيف اتمر کابو دوه اوونۍ وړاندې د يوه لوړپوړي پلاوي په مشرۍ روسيې ته د دې هېواد د همکاريو د جلبولو لپاره هم تللى و.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.