ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ناټو: د افغان ځواکونو په رهبرۍ کې مثبت بدلون راغلی

ناټو: د افغان ځواکونو په رهبرۍ کې مثبت بدلون راغلی

author avatar
7 Aug 2016 - 16:38
ناټو: د افغان ځواکونو په رهبرۍ کې مثبت بدلون راغلی
author avatar
7 Aug 2016 - 16:38

کابل (پژواک، ١٧ زمرى ٩٥): د ناټو د روزنې ماموريت وايي، د افغانستان ملي دفاعي ځواکونو په رهبرۍ کې د تېر کال په پرتله پرمختګ راغلی دی.

دغه څرګندونې په افغانستان کې د ناټو د روزنې ماموريت (غوڅ ملاتړ) وياند د سويډن د پوځ ډګروال پار ذاکارياژن د زمري په ١٧مه له پژواک خبري اژانس سره په يوه ځانګړې مرکه کې کړې دي.

هغه زياته کړه چې افغان ملي دفاعي ځواکونو د تېرو کلونو په پرتله ډېر پرمختګونه کړي او په مشرتابه کې يې هم د پام وړ ښه والى او بدلون راغلى دى.

د يادونې ده، له تېرو دوو کلونو راهيسې په افغانستان کې مېشت بهرني ځواکونه د افغانستان د ملي ځواکونو په مشرتابه کې د ستونزو شکايتونه کوي.

د ناټو وياند وايي چې د دوى د روزنې د ماموريت له امله اوس د افغان سرتېرو او د هغوى په رهبرۍ کې د پام وړ بدلون راغلى او هيله يې څرګنده کړه چې په دې برخه کې د نورو پرمختګونو شاهد و اوسي.

ډګروال پار وويل چې افغان ځواکونه له روزنې او زده کړو سره ډېره لېوالتيا لري او د هغوى روزنې ته به افغان حکومت او ناټو ډېره پاملرنه کوي.

هغه زياته کړه چې افغان ملي دفاعي ځواکونه د تېر کال په پرتله په دغه جګړه ييز موسم کې ښې لاسته راوړنې لري او د دښمن ډېر پلانونه او بريدونه يې شنډ کړي دي.

د ناټو د روزنې ماموريت وياند وايي چې افغان ځواکونو د تېر کال له جګړه ييز ماموريت څخه په برياليتوب څخه ووتل او سږ کال نورې لاسته راوړنې هم لري.

نوموړى زياتوي چې تېر کال افغان ځواکونه په دفاعي حالت کې و، خو سږ کال يې د جګړې موسم له يرغليز حالت سره پيل کړى دى.

د افغان ځواکونو د ستونزو په اړه د ناټو وياند وويل چې دوى په رهبرۍ، لوجستيک او تخنيکي برخو کې اوس هم ستونزې لري او په دې برخو کې بايد ډېر کار وشي.

د ډګروال پار په وينا، افغانستان له ډېرو کلونو راهيسې ځپل شوي، د ناټو د روزنې ماموريت موخه دا ده چې افغان ځواکونه ښه وروزل شي، څو دوى وکولى شي چې له خپل هېواد او خلکو څخه دفاع وکړي .

ده زياته کړه: ((همدا زموږ او د افغان حکومت ګډه موخه ده چې افغانستان به بيا د ترهګرو پر خوندي ځالې بدل نه شي.))

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.