هرات (پژواک، ٢١ زمرى ٩٥): د هرات په چشت شريف ولسوالۍ کې وسله والو طالبانو د برېښنا رياست پر کارکوونکي او د ملي اردو پر ځواکونو بريد کړى دى.
د هرات د چشت شريف ولسوال فرهاد خادمي د زمري په ٢١مه پژواک خبري اژانس ته وويل، نن له غرمې وروسته شاوخوا دوه بجې وسله والو طالبانو د دې ولسوالۍ په اسفرز او ستوني سيمه کې د برېښنا رياست پر کارکوونکي او د ملي اردو پر ځواکونو بريد کړى دى.
هغه وايي، جګړې نږدې نيم ساعت دوام کړى، خو په دې جګړه کې يواځې د برېښنا رياست عملياتي معاون برسېرن ټپي شوى دى.
هغه زياته کړه: ((دا معاون هم د لرګيو د غورځېدو له امله ټپي شوى دى، کومه مرمۍ يا چره پرې نه ده لګېدلې.))
ده وويل چې اوس جګړه پای ته رسېدلې او سيمه د امنيتي ځواکونو په کنټرول کې ده.
د هرات د امنيې قوماندانۍ د وياند مرستيال سيداحمد محمدي پژواک ته وويل چې يادې سيمې ته د ملي اردو ځواکونه تللي دي، خو د پېښې په اړه دوى معلومات نه لري.
وسله والو طالبانو تر اوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن