په کابل ښار کې ځانمرګى بريد شوى

کابل، لومړى تعقيب (پژواک ٣ وږى ٩٥): د کابل ښار په شپږمه امنيتي حوزه کې ځانمرګى بريد شوى او ويل کېږي، چې د دې بريد موخه امريکايي پوهنتون دى.

امنيتي سرچيني وايي، دغه بريد نن ماښام په شاوخوا ٧ بجو د شپږمې امنيتي حوزې اړوند په دارالامان سيمه کې شوى دى.

له بلې خوا ويل کېږي چې دغه بريد په ياده سيمه کې پر امريکايي پوهنتون شوى دى.

د دې پوهنتون يوه زده کوونکي مسعود حسيني په خپل ټويټر کې کښلي، چې دى اوسمهال په پوهنتون کې دى، لومړى چاودنه وشوه او ورپسې پر دې پوهنتون ډزې کېږي.

نوموړي له امنيتي ځواکونو د مرستې غوښته کړې ده.

د دې پېښې د مرګ ژوبلې په اړه تراوسه پورې کره معلومات نشته او نه هم وسله والو مخالفينو په دې اړه څه ويلي دي.

د دې بريد جزئيات به وروسته په ليکه شي.

login or register a new account.