ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کندهار ميرويس روغتون کې دوه وسله وال ووژل شول

د کندهار ميرويس روغتون کې دوه وسله وال ووژل شول

author avatar
12 Sep 2016 - 12:21
د کندهار ميرويس روغتون کې دوه وسله وال ووژل شول
author avatar
12 Sep 2016 - 12:21

کندهار – لومړى تعقيب (پژواک،٢٢ وږى ٩٥): د کندهار چارواکي وايي، د دې ولايت د مرکز اړوند ميرويس روغتون کې دوه ننوتلي وسله وال وژل شوي او يو د ملي امنيت کارکوونکى ژوبل دى.

د کندهار د والي وياند صميم خپلواک، پژواک خبري اژانس ته وويل چې نن غرمه په شاوخوا ١١:٣٠ بجو د ميرويس روغتون د جراحۍ واټ ته دوه وسله وال ننوتلي او د ملي امنيت يوه کارکوونکي ورباندې ډزې کړي، چې په ترڅ کې يې دا کارکوونکى ټپي شوى دى.

ده زياته کړه، وروسته د امنيتي ځواکونو او وسله والو ترمنځ په ډزو کې ياد دواړه وسله وال ووژل شول.

د هغه په وينا، دغه بريد چې نن غرمه کابو يوه بجه پاى ته ورسېد، موخه يې ولايتي چارواکي وو، ځکه ټاکل شوې وه چې د اختر تر لمانځه وروسته ځينې چارواکي دې روغتون ته د ناروغانو د پوښتنې لپاره ورشي، خو د دوى له ورتللو وړاندې وسله وال له منځه يوړل شول.

د ميرويس روغتون يوه نوکريوال ډاکټر چې يې نه يې غوښتل نوم يې خپور شي، پژواک ته وويل چې وسله وال د ډاکټرانو په چپنو کې روغتون ته دننه شوي دي.

وسله والو مخالفينو په دې اړه تراوسه پورې څه نه دي ويلي.

دا ملکي روغتون چې د ښار په زړه کې موقعيت لري، د سوېل زون په کچه فعاليت کوي، چې د سرې مياشتې نړيوالې کمېټې له خوا تمويلېږي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.