ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

“د احمدزيو شجرې او مېنې” کتاب مخکتنه وشوه

“د احمدزيو شجرې او مېنې” کتاب مخکتنه وشوه

author avatar
16 Nov 2016 - 19:09
“د احمدزيو شجرې او مېنې” کتاب مخکتنه وشوه
author avatar
16 Nov 2016 - 19:09

کابل (پژواک، ٢٦ لړم ٩٥): د " احمدزيو شجرې او مينې" کتاب د مخکتنې غونډه نن په کابل کې د احمدزيو سراسري شورا له خوا جوړه شوه.

دا اثر چې د کابل پوهنتون استاد پوهنيار محمد حسين احمدزي کښلى، په دې وروستيو کې په ١٧٩ مخونو کې د مستقبل خپرندويې ټولنې له خوا چاپ او خپور شوى دى.

په دې تړاو په جوړه شوې علمي غونډه کې د سولې عالي شورا مرستيال حاجي عزيزالله دين محمد، د علومو اکاډمۍ سلاکار څېړندوى حبيب الله رفيع، پوهاند رازقي نړيوال، پوهاند ډاکټر عبدالقيوم د دغه کتاب پر ارزښت او اهميت خبرې وکړې.

د احمدزيو سراسري شورا مرستيال ډاکټر محمد نذير احمدزي وويل، دا کتاب د څېړونکو او اوسني ځوان نسل لپاره د معلوماتو راټولولو يوه زېرمه او د راتلونکو نسلونو لپاره يوه ستره معنوي پانګه ده.

ده زياته کړه، ياد شوى اثر د احمدزيو په هر اړخيزه پېژندنه کې زياته مرسته کولى شي.

د پژواک خبري اژانس مشر دانش کړوخېل وويل، هر قوم او قبيله بايد خپل تاريخ د ساتلو په موخه، هغه په کتابي بڼه خوندي کړي، خپلو ستونزو او کړاونو ته په کې انعکاس ورکړي او حل لارو ته يې اشاره وکړي.

د کتاب ليکوال حسين احمدزي پژواک خبري اژانس ته وويل، دغه څېړنه يې د هېواد په بېلابېلو ولايتونو کې په څلورو کلونو کې ترسره کړې، چې معلومات يې تر ډېره بريده د مرکو پر بنسټ راغونډ شوي او بيا تحليل شوي دي.

د هغه په وينا، دا چې د احمدزيو قبيلې د هېواد په تاريخي، سياسي او ټولنيزو برخو کې مهم رول لوبولى، نو په همدې خاطر يې د دې اثر د ليکلو هوډ وکړ.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.