ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د جلال اباد ښار د واټونو پاکولو او مینځلو شپنی کمپاین پیل شو

د جلال اباد ښار د واټونو پاکولو او مینځلو شپنی کمپاین پیل شو

author avatar
7 Dec 2016 - 11:26
د جلال اباد ښار د واټونو پاکولو او مینځلو شپنی کمپاین پیل شو
author avatar
7 Dec 2016 - 11:26

جلال اباد (پژواک، ۱۷ ليندۍ ۹۵): د ننګرهار د جلال اباد ښاروالۍ په تخنیکي همکارۍ د سړکونو او واټونو د پاکولو او مینځلو شپنی کمپاین پیل شو.

د ننګرهار ولايت له مطبوعاتي دفتره پژواک ته په را استول شوې خبرباڼه کې راغلي چې دغه کمپاین تېره شپه د خوږیاڼو د علمي او پرمختیایي بنسټ له خوا د ښاروالۍ په همکارۍ د جلال اباد ښار د مستوفیت له څلورلارې څخه پیل شو او په راتلونکو ورځو کې به نورو سيمو ته هم وغځېږي.

د ننګرهار والي محمد ګلاب منګل د ښار پاکولو او سړکونو مینځلو د دغه کمپاین په پيل کې وويل چې په دغه حشر کې له ګډون څخه موخه خلکو ته پیغام ورکول دي چې خپل ښار د خپل کور په څېر وساتي او د پاکولو چارې هم له خپل کور، کوڅې او څېرمو سیمو څخه پاک کړي .

د منګل په وینا، د یادې کړنې په ترسره کولو سره به د ښار ښکلا زیاته او له هر ډول ناروغۍ څخه به د غوره چاپېریال له امله ژغورل شوي و.

د جلال اباد ښاروال حمیدالله افغان هم له خلکو غوښتنه وکړه چې د ښاروالۍ له ادارې سره یو ځای د حشرونو او نورو همکاریو په ترڅ کې د ښار په پاکۍ او نظم برابرولو کې مرسته وکړي .

د ولایتي شورا غړي او د خوږیاڼو د علمي او پرمختیایي بنسټ د رهبرۍ شورا غړي اجمل عمر وویل پاکي د ایمان نیمه برخه ده او له همدې امله چې د پاکۍ په برخه کې د خپلو ښاریانو احساسات را ژوندي کړي، یاد حشر د کمپاین په شکل ترسره کړ.

هغه له نورو ټولنو او ښاریانو څخه هم وغوښتل چې د دوی په څېر د ښار په پاکۍ او بېلابېلو چارو کې ونډه واخلي .

 

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.