ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هرات کې یو دیني عالم وژل شوی

هرات کې یو دیني عالم وژل شوی

author avatar
8 Dec 2016 - 13:51
هرات کې یو دیني عالم وژل شوی
author avatar
8 Dec 2016 - 13:51

هرات ښار (پژواک، ١٨ ليندۍ ٩٥): ناپېژاندو وسله والو د هرات ښار په نهمه ناحيه کې يو دينې عالم پر ډزو وژلى دى.

د هرات د والي وياند جيلاني فرهاد د ليندۍ په ١٨مه پژواک خبري اژانس ته وويل چې تېره شپه د هرات ښار په نهمه ناحيه کې ناپېژاندو وسله والو يو ديني عالم وژلى دى.

هغه وويل چې دغه ديني عالم شيخ عبدالفريد صابر نومېده او په همدې ناحيه کې د مهديه جومات ملا امام و.

هغه زياته کړه: ((کله يې چې د ماخوستن لمونځ ادا کړى او بيا بهر ته وتلی دى نو ناپېژاندو کسانو پر سر پر ډزو ويشتلى دى او ځاى پر ځاى يې وژلى دى.))

دغه راز د هرات د حوزوي روغتون وياند محمد رفيق شېرزي پژواک ته وويل چې تېره شپه له نهمې ناحيې څخه يو جسد دوى ته انتقال شوى دى.

هغه وايي: ((دغه کس پنځوس کاله عمر لري او په سر کې يوه مرمۍ لګېدلې ده.))

د دغه عالم د وژل کېدو په اړه تر اوسه د افغان دولت وسله والو مخالفينو څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.