کابل (پژواک، ۱۹ ليندۍ ۹۵): د امريکا دفاع وزير په يوه ناڅاپي سفر نن د ليندۍ په ١٩مه کابل ته راغلى دى.
د سي ان ان په نامه امريکايي تلوېزيون اعلان وکړ چې د امريکا دفاع وزير اشتون کارتر د ليندۍ په ١٩مه کابل ته سفر کړى دى.
ويل شوي چې کارتر به ددې سفر پرمهال له ولسمشر اشرف سره په ارګ کې وګوري او له هغه وروسته به د بګرام په نظامي اډه کې د خپل هېواد سرتېرو سره هم ليدنه وکړي .
تراوسه له افغان لوري سره ددغه امريکايي لوړپوړي چارواکي د خبرو اصلي محور نه دى معلوم او نه تراوسه افغان چارواکو په دې اړه څه ويلي دي.
د يادونې ده چې يوه اوونۍ مخکې د امريکا نوي منتخب ولسمشر ډونالډ ټرمپ له ولسمشر اشرف غني سره د افغانستان د حالاتو په اړه ټېلېفوني خبرې کړې وې او هغه ته يې د هر ډول مرستو او ملاتړ ډاډ ورکړى و .
امريکا اوس مهال په افغانستان کې ٩٨٠٠سرتېري لري .
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن