جلال اباد (پژواک، ٣٠ مرغومى ٩٥): چارواکي وايي چې په ننګرهار ولايت کې د هوايي بريد پر مهال د داعش څلور بهرني وسله وال وژل شوي دي.
د ننګرهار د والي وياند عطاء الله خوږياڼي د مرغومي په ٣٠مه، پژواک خبري اژانس ته وويل چې بهرنيو ځواکونو نن سهار د اچين ولسوالۍ د باندر خوړ په سيمه کې بمبار کړى دى.
هغه زياته کړه چې په دې هوايي بريد کې د داعش څلور بهرني وسله وال وژل شوي، چې د تاجکستان او پاکستان اوسېدونکي وو.
خوږياڼى وايي چې په دې بريدونو کې ملکي وګړو ته زيان نه دى اوښتى.
پرون هم ځايي چارواکو د دې ولايت په هسکه مېنه ولسوالۍ کې د شپږو داعش وسله والو د وژلو خبر ورکړى و.
داعش وسله والو تر اوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن