ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سرپل کې د طالبانو اړوند دوه بهرني وسله وال نیول شوي

سرپل کې د طالبانو اړوند دوه بهرني وسله وال نیول شوي

author avatar
20 Jan 2017 - 14:40
سرپل کې د طالبانو اړوند دوه بهرني وسله وال نیول شوي
author avatar
20 Jan 2017 - 14:40

سرپل (پژواک، د سلواغې لومړۍ نېټه ۹۵): د سرپل امنیتي مسوولین وايي چې په دغه ولایت کې د پولیسو د عملیاتو پر مهال د طالبانو ډلې دوه بهرني وسله وال نیول شوي دي.

د سرپل امنیه قوماندان سمونوال عنایت الله حبیبي د سلواغې په لومړۍ نېټه پژواک خبري اژانس ته وویل چې دغه دوه تنه نن سهار ونیول شول.

هغه وویل: ((د صیاد ولسوالۍ په قفلاتون سیمه کې د امنیتي ځواکونو د عملیاتو په پایله کې دوه بهرني وګړي دانیال د ازبکستان اوسېدونکی او بل عبدالمتین د ترکمنستان اوسېدونکی ونیول شول.))

د سرپل امنیه قوماندان څرګنده کړه چې دغه دوه بهرني وګړي اړوندو ادارو ته سپارل شوي او څېړنې ترې روانې دي.

حبیبي زیاته کړه، په دغو عملیاتو کې چې د شپې دوه بجې ترسره شول، د طالبانو څلور کسان وژل شوي او درې نور ټپیان شوي، دغه راز وسلې او مهمات هم ترې نیول شوي دي.

د سرپل امنیه قوماندان وویل چې په دغو عملیاتو کې امنيتي ځواکونو ته کوم زیان نه دی اوښتی.

طالبان تر اوسه د دې پېښې په اړه څه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.