ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

فارياب کې د يوه ښوونځي له ٨٠ زياتې نجونې مسموم شوې

فارياب کې د يوه ښوونځي له ٨٠ زياتې نجونې مسموم شوې

author avatar
8 Mar 2017 - 18:12
فارياب کې د يوه ښوونځي له ٨٠ زياتې نجونې مسموم شوې
author avatar
8 Mar 2017 - 18:12

ميمنه (پژواک ١٨ کب ٩٥): د فارياب سيمه ييز چارواکي وايي، چې د ياد ولايت په قورغان ولسوالۍ کې د نجونو د ليسې د دريو ښوونکو په ګډون له ٨٠ زياتې زده کوونکې مسمومې شوې دي.

د فارياب ولايت د قورغان ولسوال انجنير اکبر پژواک خبري اژانس ته وويل، چې يادې زده کوونکې او ښوونکې د دغې ولسوالۍ د سيدبرکت الله د نجونو ليسې اړوند دي.

هغه زياته کړه: "مسموم شوې ټولې د اندخوى ولسوالۍ او د جوزجان ولايت روغتونونو ته لېږدول شوې او روغتيايي حالت يې د ډاډ وړ دى، خو تر اوسه معلومه نه ده، چې دا کار کومې ډلې ترسره کړى، خو اړونده ارګانونو يې په اړه څېړنې پيل کړې دي."

د فارياب د پوهنې رييس غلام سخي بيان وويل، چې په ياده پېښه کې ٨١ زده کوونکې او درې ښوونکې مسموم شوې، چې له دې جملې يې د ٧ زده کوونکو وضعيت د اندېښنې وړ دى، چې د درملنې په موخه د جوزجان ولايت مرکز شبرغانو ښار ته لېږدول شوي دي.

د مدني ټولنې بنسټونو شبکې مسوول زلمي عزيزي، د حکومت د وسله والو مخالفينو په وړاندې د دولت پر نه تعريف شوو سياستونو نيوکه وکړه او ويې ويل، چې د مارچ مياشتې په اتمه نېټه چې د ښځو ورځ ده؛ د دوا شيندل د افغانانو په ځانګړې توګه د ښځو په وړاندې ښکاره دوښمني ده.

عزيزي وويل: "دولت بايد د ترهګرو او دوښمنانو په اړه روښانه تعريف ولري، د هغوى د له منځه وړلو لپاره عملي ګام پورته کړي؛ له هغه پرته به په بېلابېلو برخو کې د دا ډول پېښو شاهدان يو."

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.