ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

يو ډاکټر: پر  داوود خان روغتون له بريده مخکې برېښنا لاړه او مخفي کمرو فعاليت پرېښود

يو ډاکټر: پر داوود خان روغتون له بريده مخکې برېښنا لاړه او مخفي کمرو فعاليت پرېښود

author avatar
9 Mar 2017 - 16:57
يو ډاکټر: پر  داوود خان روغتون له بريده مخکې برېښنا لاړه او مخفي کمرو فعاليت پرېښود
author avatar
9 Mar 2017 - 16:57

کابل (پژواک، ١٩ کب ٩٥): د کابل د سردار داوود خان روغتون له بريده روغ وتلى ډاکټر وايي چې له بريده څو شېبې مخکې برېښنا لاړه او مخفي کمرو فعاليت پرېښود، ځکه دى شک کوي  چې له بريدګرو سره داخلي مرسته شوې ده.

دغه ډاکټر چې د نوم له څرګندولو يې ډډه کوله، دغه څرګندونې د کب په ١٩مه له پژواک خبري اژانس سره په ځانګړې مرکه کې وکړې.

پرون سهار يوې ډلې ځانمرګو بريدګرو دکابل پر سردارمحمد داوود خان (٤٠٠ بستريز) روغتون ډله ييز بريد کړى و چې تر اوو ساعتونو جګړې وروسته پنځه بريدګر په کې ووژل شول.

د ملي دفاع او عامې روغتيا وزارتونو د معلوماتو له مخې، په دې بريد کې د ډاکټرانو، ناروغانو، کارکوونکو او پايوازانو په ګډون ٣١ تنه وژل شوي او شاوخوا ٧٠ تنه نور ټپيان دي.

داعش ډلې د دې بريد مسووليت منلى دى.

خو د کورنيو چارو وزارت وياند صديق صديقي د کب په ١٩مه، پژواک خبري اژانس ته وويل، تر اوسه استخباراتي ادارو دا نه ده معلومه کړې چې بريد د کومې ډلې لخوا شوى، خو په دې اړه يې پلټنې پيل کړې دي.

د کابل د سردار داوود خان څلورسوه بستريز روغتون ياد ډاکټر وايي، دوى په خپلو دندو  بوخت وو چې ناڅاپه يوې قوي چاودنې  دروازې او کړکۍ وخوځولې.

هغه زياته کړه: ((موږ فکر وکړ چې زلزله ده، چاودنه ډېره قوي وه، زموږ د شعبې يو همکار بهر ووت، چې وګوري څه خبره ده، خو په څو شېبو کې په ډېرې وارخطايۍ سره بېرته راغى او ويل يې چې بريد شوى، خو چا يې په خبرو باور نه کاوه.))

د دې روغتون له پروني بريد څخه روغ پاتې دا ډاکټر شکمن دى چې له دغو کسانو سره به له   داخله مرسته شوې وي.

نوموړى وايي، په دې ورځ د روغتون يو شمېر لوړپوړي او ټيټ پوړي کارکوونکي او ډاکټران هم نه وو راغلي، خو زياتوي چې تر پلټنو وروسته به هرڅه روښانه شي.

د هغه په وينا، په روغتون کې هر لوري ته مخفي کمرې دي، تالاشۍ زياتې دي، خو له بريده مخکې د روغتون برېښنا لاړه او نيم ساعت وروسته بېرته راغله.

ده زياته کړه: ((برېښنا د دې لپاره قطع شوه چې په مخفي کمرو کې څه ريکارډ نه شي.))

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.