کندوز (پژواک، ۲۰ کب ۹۵): کندوز کې امنیتي چارواکي وايي چې د دغه ولایت په دشت ارچي ولسوالۍ کې د افغان او بهرنیو ځواکونو د ګډو هوايي عملیاتو په ترڅ کې د دولت درې وسله وال مخالفین نیول شوي دي.
په هغې خبرپاڼه کې چې د شمال ختیځ زون د پولیسو له مطبوعاتي دفتره پژواک خبري اژانس ته را رسېدلې ده، ويل شوي چې دغه عملیات دوه شپې وړاندې د دشت ارچي ولسوالۍ په دفتاڼو کلي کې ترسره شوي دي.
سرچینه زیاتوي چې د افغان او بهرنیو ځواکونو په ګډو هوايي عملیاتو کې د قاري دوست محمد د ورور په ګډون چې د وسله والو د پنځوس کسیزې ډلې مشر دی، درې وسله وال مخالفین ونیول شول.
خبرپاڼه کاږي چې په دغو عملیاتو کې د وسله والو دوه موټرسایکل هم له منځه وړل شوي دي.
خبرپاڼې د افغان او بهرنیو ځواکونو د مرګ ژوبلې په اړه څه نه دي ویلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن