ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پکتیکا کې تاریخ تېر درمل او توکي وسوځول شول

پکتیکا کې تاریخ تېر درمل او توکي وسوځول شول

author avatar
1 Jun 2017 - 14:50
پکتیکا کې تاریخ تېر درمل او توکي وسوځول شول
author avatar
1 Jun 2017 - 14:50

ښرنه (پژواک، ١١ غبرګولى ٩٦): د پکتيکا په مرکز ښرنه کې دوه نيم ټنه تاريخ تېر درمل او خوراکي توکي وسوځول شول.

د پکتيکا مرستيال والي عطاالله فضلي د دغو توکو د سوځولو پر مهال پژواک خبري اژانس ته وويل چې دغه تاريخ درمل او خوراکي توکي په تېرو څو ورځو کې د مرکز ښرنې له هټيو څخه ټول شوي دي.

هغه زياته کړه: ((دا تاريخ تېر درمل د ځانګړو روغتيايي ټيمونو له خوا ټول شوي او په دې کار سره د ډېرو خلکو د ناروغېدو او حتى د مړه کېدو مخه ونيول وشوه.))

دغه راز فضلي وويل چې د تاريخ تېر خوراکي توکو پر وړاندې دوى دوامداره عمليات کوي څو خلکو ته روغتيايي ستونزې پېښې نه شي.

د پکتيکا د عامې روغتيا رياست يوه استازي رفېع الله راحيل پژواک ته وويل چې ډېر ژر به د تاريخ تېر درملو پر وړاندې عمليات ولسواليو ته هم وغځول شي.

خو د مرکز ښرنې يوه دوکاندار احسان الله پژواک ته وويل: ((دغه ټېمونه يواځې په روژه کې پيدا کېږي د کال تر اخره يې بيا څوک نه ګوري چې چېرته دي.))

د هغه په وينا، که دغه ټېمونه په دوامداره توګه کار وکړي نو د مرکز ښرنې تر څنګ به د ولسواليو په دوکانونو او درملتونونو کې سلګونه ټنه تاريخ درمل او خوراکي توکي پيدا کړي.

د يادونې ده، څو ورځې وړاندې د پکتيکا په اورګون ولسوالۍ کې هم تاريخ درمل او خوراکي توکي وسوځول شول.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.