د پژواک خدمتونه

د انځورونو څانګه

د ولس غږ کلتوري پروګرامونه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

له هلمند څخه کندهار ته راغلي جګړه ځپلي کډوال له ستونزو کړېږي

له هلمند څخه کندهار ته راغلي جګړه ځپلي کډوال له ستونزو کړېږي

Jun 03, 2017 - 17:19

کندهار (پژواک، ۱۳ غبرګولی ۹۶):کندهار ته له هلمند څخه د جګړو له امله راغلي کډوال وايي، له ستونزو ډک ژوند تېروي خو څوک یې لاسنیوی نه کوي.

د دغو لسګونو جګړې ځپلو کورنیو غړي د غبرګولي په ١٣مه، په کندهار پریس کلب کې راټول شوي وو، څو چارواکي یې غږ واوري، له ستونزمن ژونده یې خبر شي او مرسته ورسره وکړي.

ډېری دغه کډوال چې د هلمند له سنګین، مارجې او یو شمېر نورو ولسوالیو څخه د جګړو له امله کندهار ته راغلي وايي، د بې سرپناهۍ او بې روزګارۍ له امله یې ژوند له ستونزو سره مخ دی.

حاجي محمد داود له خپلې کورنۍ سره یو ځای شاوخوا شپږ میاشتې مخکې د سختو جګړو له امله له سنګین ولسوالۍ څخه کندهار ته راغلی او اوس دغلته په یوه کرايي کور کې ژوند تېروي.

ده وویل، شپږ میاشتې کېږي چې د هلمند له سنګین، مارجې او یو شمېر نورو ولسوالیو څخه د جګړې امله تر ۷۰ ډېرې کورنۍ کندهار ته راغلې، خو تر اوسه چا ورسره مرسته نه ده کړې.

هغه د کندهار د کډوالو پر ریاست تور پورې کړ چې د دوی حق یې خوړلی او هیڅ مرسته یې نه ده ورسره کړې.

دی وايي، سرپناه نه لري، د کار او روزګار د نشتوالي له امله د خوراکي توکو د اخیستلو وس نه لري او په کرایي کورونو کې ورته نور اوسېدل ګران شوي دي.

نوموړي له دولت څخه غوښتنه کوي چې د بې ځایه شوو کډوالو لاسنیوی وکړي او د دوی په سیمو کې دې بیرته امنیت راولي چې خپلو مېنو او کورونو ته ستانه شي.

د حاجي محمد اصف په نوم د سنګین ولسوالۍ یوه کډوال وویل: ((دا مو د کډوالۍ څلورم- پنځم پړاو دی، لومړی له خپل کلي بل کلي ته کډوال شوو، جګړه پراخېده موږ یې اړ کړو چې لښکرګاه ته کډوال شو، کله چې جګړه دلته هم را ورسېده نو مجبور شوو چې کندهار ته راشو.))

خو ده ګیله وکړه، چې په دې موده کې ورسره هیڅ راز مرسته نه ده شوې.

دی وايي، سوالګر نه دي، خو کډوالۍ سوال ته مجبور کړي دي، دلته راغلي کډوال په خپلو ولسوالیو کې کورونه او ځمکې لري، خو وسله والو لاندې کړي دي.

په ورته توګه نورو کډوالو هم د خپل ستونزمن ژوند کیسې کولې او د دولت پاملرنه یې غوښته.

دغه کډوال د کندهار په ژیړي ولسوالۍ، د کندهار ښار په محله جات، باغ پُل، نهمو او لسمو ناحیو کې استوګن دي.

د کډوالو دا ستونزې مو د کندهار د کډوالو چارو له رییس محمد عظیم نوابي سره شریکې کړې، هغه وویل، له دغو کډوالو سره د مرستندویه ادارو له لارې یو ځل مرستې شوي او د بیا ځلې مرستې لپاره په واک کې څه نه لري.

هغه د کډوالو له خوا پر دې ریاست د بې غورۍ او فساد لګېدلي تورونه رد کړل او زیاته یې کړه، له بده مرغه د مرستندویه موسساتو اصول داسې دي چې له بې ځایه شوو کډوالو سره یو ځل مرتسه کوي.

خو ده وویل چې د کډوالو د لاسنيوي په موخه لاس په کار شوی او هڅه کوي د کډوالو په ښارګوټي کې ورته د سرپنا غم وخوري.

ده زیاته کړه، د کندهار په پنجوايي ولسوالۍ کې د ۲۴ سوه کورنیو لپاره د ښارګوټي جوړولو چارې ۹۰ سلنه بشپړې شوي، دوی به هڅه وکړي چې دغلته د جګړې له امله بې ځایه شوو کورنیو ته سرپناه برابره کړي.

د یادونې ده چې کندهار دا مهال د جګړو له امله د بې ځایه شوو زرګونو کډواول کوربه دی.

د کډوالو چارو رییس وايي، په تېر یوه کال کې د هلمند، اروزګان، زابل او د کندهار له بېلابېلو ولسوالیو څخه د جګړو له امله کندهار ښار ته ۱۴۵۰۰ کورنۍ راغلي دي چې له ستونزو ډک ژوند تېروي.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement