د پژواک خدمتونه

د انځورونو څانګه

د ولس غږ کلتوري پروګرامونه

د پيغام له لارې خبري خدمتونه

د دغو خدمتونو د وړاندې کولو موخه دا ده ، تر څو د ګرځنده ټيلېفونونو له لارې په دوامداره توګه خلک خبرونو ته لاسرسى ومومي او هيلې يې ترسره شي. پژواک غواړي د خبرونو خپرولو په برخه کې خپل مسلکي مهارتونه او تجربې له ټيلېفوني شبکو سره شريکې کړي او له دې لارې وکړای شي ډېرو برخه والو ته په اغېزمنه بڼه خپل خدمتونه ورسوي.

د ګډون وړانديز
د انګليسي خبرونو لپاره ګډون: Send 83 to 824
د دري خبرونو لپاره ګډون: Send 84 to 824
د پښتو خبرونو لپاره ګډون: Send 85 to 824

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ننګرهار والي: پر ځينو ډلو قانون پلي کول نظام ته ګواښ پېښوي

د ننګرهار والي: پر ځينو ډلو قانون پلي کول نظام ته ګواښ پېښوي

Jun 11, 2017 - 15:40

جلال اباد (پژواک ۲۱ غبرګولی ٩۶): د ننګرهار والي وايي، لا هم په ننګرهار کې داسې ډلې شته چې سل په سلو کې د قانون پلي کول پرې نظام ته ستونزې پېښولی شي.

 دا څرګندونې د ننګرهار والي محمدګلاب منګل له پژواک خبري اژانس سره د ځانګړې مرکې پرمهال وکړې؛ خو ډاډ يې ورکړ چې د دا ډول ډلو د مهارولو لپاره يې اوږدمهاله هڅې پيل کړې دي.

خو نوموړي د دې ډلو په اړه نور معلومات ور نه کړل.

هغه زياته کړه، د امنيت د تامين لپاره په دې وروستيو کې ډېرې هلې ځلې شوي، خو دا چې بشپړ امنيت نه تامينيږي، د امنيتي ځواکونو د تشکيلاتو کموالی يې لويه ستونزه ده.

دى وايي: ((موږ د امنيتي ځواکونو د همغږۍ او قربانيو په نتيجه کې داعش ته ماته ورکړه، امنيتي ځواکونه مو له دفاعي حالت څخه تعرضي حالت ته راوستل؛ خو لا هم امنيت سل په سلو کې نه دی ټينګ شوی.))

د ننګرهار والي مني چې په جلال اباد ښار کې د غير مسوولو وسله والو ګرځېدو خلکو ته اندېښنې پيدا کړي او د امنيتي پېښو رامنځته کېدو کچه يې لوړه کړې ده، خو ټينګار يې وکړ، چې په ښار کې د غير مسوولو وسله والو پر ګرځېدو بنديز لګول شوی او دغه ستونزه به په يوه اوږده مرحله کې پای ومومي.

هغه د يو شمېر هغو کړيو شتون هم تاييد کړ چې ګواکې د قانون پلي کول پرې نظام ته سرخوږی جوړولی شي.

ده زياته کړه: ((له بده مرغه د هېواد د نورو سيمو ترڅنګ په ننګرهار کې هم داسې ډلې شته چې په دوی د قانون سل په سلو کې پلي کول ستونزې را ولاړولی شي.))

خو ګلاب منګل ډاډ ورکړ چې پر دغو اشخاصو د قانون پلي کولو لپاره به له بېلابېلو لارو چارو کار واخلي او په اوږده واټن کې به پرې قانون پلی شي.

د ننګرهار والي دغه راز د خپل ماموريت په لنډه موده کې د فساد پر ضد د خپلې مبارزې د لاسته راوړنو په اړه هم خبرې وکړې.

هغه وايي، د فساد پر وړاندې يې مبارزه پيل کړې، خو د امنيتي او کشفي ارګانونو او ولس نه ملاتړ د دې لامل شوی چې دغې مبارزې رنګ نه دی راوړی.

دى زياتوي، له تورخم ښارګوټي، د پاکستان کونسلګرۍ د وېزو ستونزې، د ثبت احوال نفوس ادارې، پوهنې رياست او څو نورو ادارو څخه ورته ډېر شکايتونه راتلل؛ خو د ثبوت نه موجوديت د دې لامل شوی چې ډېرو ادارو کې يې هېڅ اقدام نه دی کړی.

د تورخم د ښاروال تبديلي، په تورخم کميسارۍ کې يو مسوول شخص ته اخطار ورکول، د ثبت احوال نفوس ادارې د ولسواليو د څو مامورينو تغيير او تبديل او د پاکستان کونسلګرۍ مخې ته د وېزو ورکړې په برخه کې د حالاتو کنټرول هغه څه دي چې د ننګرهار والي يې د فساد پر ضد د خپلې مبارزې بېلګې په ګوته کوي.

والي وويل، که د دې ولايت اوسېدونکي او کشفي او امنيتي ارګانونه ورسره په دغه برخه کې مرسته وکړي او شواهد او مدارک په لاس ورکړي؛ نو په هره اداره کې د فساد د مخنيوي او مفسدو اشخاصو په نيولو کې به درېغ ونه کړي.

ګلاب منګل دغه راز په ياد ولايت کې د ځمکو د غصب پر وړاندې د خپلو هڅو يادونه هم وکړه او زياته يې کړه، په تېره لنډه موده کې يې يواځې د کانال رياست اړوند له ۲۰۰۰ جريبه زياته ځمکه له غاصبينو راګرځولې ده.

هغه دا هم وويل چې په سپين غر دولتي هوټل کې يې له دېرشو کلونو راهيسې په خپلسر جوړ شوي کورونه هم نړولي، چې په کې به د نويو بلاکونو په رغولو هم هوټل ته پراختيا ورکړل شي او هم به د هوټل په ښکلا کې رول ولوبوي.

د ننګرهار والي له مدني ټولنو، ولسونو او قومي مشرانو وغوښتل چې د ستونزو د رابرسېره کولو ترڅنګ دې د هغې حل لارې هم ولټوي چې ستونزې حل شي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement