کابل

دزمري ٧مه ،١٣٨٩،پژواک خبري اژانس

سعودي عربستان د افغانستان د پوهنې له وزارت سره د ښوونځيو،ديني مدرسو او دارالعلومونو د ودانيو د جوړولو لپاره  ۲۴ ميليون  امريکايي ډالره مرسته کوي.

دغه څرګندونې د پوهنې وزارت لخوا د زمري په ٧مه ، پژواک خبري اژانس ته  په رالېږل شوې خبرپاڼه کې شوې دي .

په خبرپاڼه کې د پوهنې  وزارت د اسلامي تعليماتو مرسيتال ډاکټر شفيق صميم له خولې ويل شوي  چې پريادو شويو پيسو به  په نږدې راتلونکي کې د يو شمېر ښوونځيو، ديني مدرسو او دارالعلومونو ودانۍ جوړې شي .

په خبرپاڼه کې په دې اړه نور معلومات نه دي ورکړل شوي.

 سرچينه زياتوي چې سعودي عربستان  تر دې وړاندې د کابل ښار د مرنجان  غونډۍ  پر سر د همدې مملکت د پخواني پاچا  ملک فهد له وصيت سره سم د ۱۰۰ ميليونو ډالرو په لګښت د اسلام آباد د فيصل جومات په څېر د يوه  لوی جامع جومات او اسلامي مرکز د جوړولو ژمنه هم کړې ده .