کابل (پژواک، ۲۷ غویی ۹۷) : د هیواد تر۲۰ زیاتو ولایتونو کي ملکي وګړو له وسله والو طالبانو د روژي په مبارکه میاشت کي د اوربند غوښتنه وکړه.
دا غوښتنه ځای اوسیدونکو د ملکی وګړو د خوندیتوب او عدالت غوښتني ګروپ له استازو سره د مرکو پر مهال کړې ده.
د ملکي وګړو د خوندیتوب او عدالت غوښتنې ګروپ ( (CPAGچې له ۲۰ مدني بنسټونو څخه جوړ شوی د ملکي وګړو د خونديتوب لپاره د عدالت غوښتنې په موخه کار کوي، او د هیواد په کچه دملکي مرګ ژوبلې شمېرې را ټولوي، چې دا ځل يې د خلکو پرغوښتنې تمرکز کړی.
د یاد ګروپ لخوا پژواک خبري اژانس ته په یوه رالیږل شوې خبرپاڼه کې راغلي، چې د افغانستان په ګڼو جګړه یزو ولایتونو، هلمند، کندهار، زابل، روزګان، فراه، هرات، غور، غزنی، لوګر، وردګو، پکتیا، پکتیکا، خوست، ننګرهار، کندوز، سرپل، فاریاب او یو شمير نورو ولایتونو کې د بیلا بیلو خلکو سره خبرې کړې او د خبرو په پایله کې له وسله والو طالبانو غوښتل شوي چي د روژې مبارکې میاشتې په احترام دې له جګړې لاس واخلي او د ملکي خکو خوندیتوب ته دې پاملرنه وکړي.
سرچینې زیاته کړې، په تېره یوه میاشت کې د هیواد په ۲۲ ولایتونو کې له ۶۳۱ کسانو سره خبري کړي او د هغوی دا غوښتنه يې خپره کړې، چې د جګړې ښکيلې غاړې دې په روژه کې ملکي خلک نه وژني.
د ملکي وګړو د خوندیتوب او عدالت غوښتنې ګروپ تر ډېره بریده د قربانیانو له کورنیو سره چې په هغه کې ښځې، سپین ږیري، د پېښوعیني شاهدان او د کلي مشران شامل دي خبرې کړي دي.
دسرچینې د معلوماتو پر اساس چې د ملکي وګړو مرګ ژوبله ورځ تر بلې زیاتیږي او په جګړه کې ښکيل لوري د جګړې او بشردوستانه قوانیو په نه مراعاتولو تورن شوي، او دا ځل له نړیوالو نهادونو، ملګرو ملتونو، رسنیو او قومي مشرانو څخه غوښتنه کوي چې د ولسي خلکو دا غږ دې تر وسله والو طالبانو او هغو ډلو ورسوي چې د افغانستان په جګړه کې د ملکي خکو ژوند ته پام نه کوي او پر هغوی دې فشار رواړي چې په روژه مبارکه میاشت کې له جګړې لاس واخلي.
Visits: 1
تماس با ما
خبرنامه
ارسال گزارش
اپلیکیشن موبایل پژواک