خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

سرې میاشتې د غزني د اندړو په سردې سیمه کې روغتیایي مرکز پرانیست

سرې میاشتې د غزني د اندړو په سردې سیمه کې روغتیایي مرکز پرانیست

Jan 04, 2016 - 14:02

غزني ښار (پژواک، ۱۴ مرغومی ۹۴): د لومړي ځل لپاره د غزني د اندړو ولسوالۍ په نا امنه (سردې) سيمه کې د سرې مياشتې له لوري روغتيايي مرکز پرانيستل شو.

په غزني ولايت کې د سرې مياشتې رييس سيمع الله صديق د مرغومي په ١٤مه د ياد مرکز د پرانيستې په غونډه کې وويل چې تر دې وړاندې د اندړو ولسوالۍ د سردې په سيمه کې روغتيايي مرکز شتون نه درلود.

ده وويل چې د دغه مرکز په جوړېدو سره زرګونه کورنيو ته د روغتيايي خدمتونو اسانتياوې برابرې شوې.

هغه زياته کړه: ((په دې روغتون کې د واکسين تر څنګ، د زېږدنې او نورو ناروغيو درملنې لپاره هم اسانتياوې په پام کې نيول شوې دي.))

د سردې سيمې اوسېدونکي هم د دغه مرکز پر جوړېدو خوښ دي.

د سردې سيمې قومي مشر علم خان پژواک ته وويل چې په دې سيمه کې زرګونه کورنۍ ژوند کوي خو تر دې وړاندې يې روغتيايي مرکز نه درلود.

هغه وايي چې د دغه روغتون په جوړېدو سره د دوی ټولې روغتيايي ستونزې نه هوارېږي خو تر يوه حده به يې ستونزې کمې شي.

د همدې سيمې بل اوسېدونکي محمدانور پژواک ته وويل: ((تېر کال مې زوی ډېر سخت مريض شو کله چې مې غوښتل، پکتيکا ولايت ته يې يوسم د لارې د خرابوالې له امله مړ شو.))

ده هم د يادې روغتيايي مرکز پر جوړېدو خوښي وښوده خو زياته کړه چې په دغه مرکز کې بايد د هر ډول ناروغيو د تشخص او درملنې څانګې جوړې شي.

د سردې سيمه د اندړو ولسوالۍ په ١٥کيلومترۍ کې پرته ده چې له پکتيکا ولايت سره ګډه پوله لري.

له تېرو څو کلونو راهيسې ياده سيمه د طالبانو په ولکه کې ده.

گزارش های مربوطه:

اعلانات

Advertisement