خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

حکومت په باميانو کې له خبريالانو سره د تاوتريخوالي شوى شکايت څېړي

حکومت په باميانو کې له خبريالانو سره د تاوتريخوالي شوى شکايت څېړي

Aug 31, 2016 - 19:27

کابل (پژواک ١٠ وږى ٩٥): حکومت د سيمه ييزو ارګانونو ادارې ته لارښوونه کړې، چې باميانو ته د ولسمشر د سفر پرمهال د امنيتي ځواکونو له خوا له ځينو خبريالانو سره د شوي چلند شکايت وڅېړي.

د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، چې ولسممشر محمد اشرف غني روانه اونۍ بامیانو ولایت ته د څو عام المنفعه پروژو د پرانیستلو په خاطر سفر وکړ.

سرچينه کاږي، د دغه سفر پر مهال یو شمېر رسنیو او خبریالانو د رسنیو له کارکوونکو سره د امنیتي ځواکونو له چلند څخه شکایت وکړ.

سرچينه زياتوي، جمهوري ریاست د خبریالانو د اتحادیو د اندېښنو په ځواب کې، د بیان ازادۍ او د رسنیو ازادۍ اصل څخه د ملاتړ ترڅنګ د سیمه ییزو ارګانونو خپلواکې ادارې ته دستور ورکړی، چې موضوع روښانه او څرنګوالی یې وارزوي.

سرچینه وایي: "د سیمه ییزو ارګانونو خپلواکه اداره مکلفه ده، چې د بامیانو ولایت سیمه ییزې ادارې سره په همغږۍ د پېښې ټول اړخونه په کره توګه و ارزوي اوخپلې ترلاسه شوې پایلې جمهوري ریاست ته وسپاري، ترڅو د هغې په اساس سرغړوونکو سره قانوني چلند وشي."

داسې ادعاوې شته چې د دوشنبې په ورځ (د وږي اتمه) باميانو ته د ولسمشر له تګ سره يو ځاى د "جنبش روشنايي" پلويانو له لوري د لاريونونو په ترڅ کې د سلام وطندار راډيو خبريال الياس طاهري او د جمهور اژانس خبريال سيد محمد هاشمي له لاريون کوونکو سره د تاوتريخوالي صحنې د پوښښ نيولو پر مهال د ولسمشر د ساتنې ځانګړي ځواکونو له لوري وهل شوي دي.

د المان غږ راډيو (دويچوله) خبريال زمان احمدي باميانو ته د ولسمشر له سفر وړاندې، باميانو ښار کې د امنيتي ځواکونو له لوري نيول شوى دى.

خو د باميانو والي ظاهر زُهير هم پژواک ته ويلي، د امنيتي ځواکونو له لوري هېڅ کوم خبريال نه دى وهل شوى او يواځې يو خبريال چې د معترضينو په ډله کې و او خلک يې تاوتريخوالي ته رابلل؛ د امنيتي ځواکونو له لوري نيول شوى دى.

نوموړي زياته کړه، زمان احمدي هم له باميانو څخه د ولسمشر له تګ وروسته ازاد شوى دى.

گزارش های مربوطه:

تبصره کنيد

اعلانات

Advertisement