خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

امنيتي ځواکونو د طالبانو له يوه زندانه ١١ ملکي وګړي را خوشې کړل

امنيتي ځواکونو د طالبانو له يوه زندانه ١١ ملکي وګړي را خوشې کړل

Dec 08, 2018 - 15:34

لښکرګاه-پلخمري(پژواک، ١٧ ليندۍ ٩٧): امنيتي چارواکي وايي چې هلمند کې يې د طالبانو يو زندان مات کړى او ١١ ملکي وګړي يې را خوشې کړي دي.

هلمند کې د ٢١٥ ميوند قول اردو د مطبوعاتي دفتر مرستيال جګړن عبدالولي د ليندۍ په ١٧مه پژواک خبري اژانس ته وويل چې تېره شپه افغان کومانډو ځواکونو په سنګين ولسوالۍ کې شپني عمليات کړي دي.

هغه وايي چې د دغو عملياتو په ترڅ کې امنيتي ځواکونو د طالبانو يو زندان مات کړى او ١١ ملکي وګړي يې را خوشې کړي دي.

دغه راز د يو بل خبر له مخې، بغلان کې طالبانو پر امنيتي پوستو بريدونه کړي چې په شا تمبول شوي دي.

د بغلان امنيه قوماندان مل پاسوال اکرام الدین سریع پژواک ته وويل چې تېره شپه طالبانو د نهرين ولسوالۍ په حافظ بچه او د مرکزي بغلان ولسوالۍ په غلام باى سيمو کې پر امنيتي پوستو بريدونه کړي دي.

د هغه په وينا، د طالبانو دغه بريدونه په شا تمبول شوي چې په ترڅ کې يې درې طالبان او يو سيمه ييز پوليس ټپيان شوي دي.

وسله والو طالبانو تر اوسه په دې اړه څه نه د ويلي.

گزارش های مربوطه:

تبصره کنيد

اعلانات

Advertisement