خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

هلمند کې چارواکي د ۲۵ طالبانو د وژل کېدو ادعا کوي

هلمند کې چارواکي د ۲۵ طالبانو د وژل کېدو ادعا کوي

Dec 31, 2018 - 14:42

لښکرګاه (پژواک، ١٠ مرغومى ٩٧): د هلمند امنيتي چارواکي وايي چې په نادعلي ولسوالۍ کې د امنيتي ځواکونو او طالبانو ترمنځ جګړه کې ٢٥ وسله وال طالبان وژل شوي، خو طالبان دغه څرګندونې ردوي.

د هلمند د والي وياند عمر ځواک د مرغومي په لسمه پژواک خبري اژانس ته وويل چې تېره شپه طالبانو د نادعلي ولسوالۍ په ناقل اباد سيمه کې د پوليسو پر دوو پوستو بريدونه کړي دي.

هغه وايي چې طالبان په دې سيمه کې د ځمکې او هوا له لارې د امنيتي ځواکونو له سخت مقاومت سره مخ شوي دي.

د ځواک په وينا، په دې جګړه کې يو پوليس او  ٢٥ طالبان وژل شوي او درې پوليس ټپيان شوي هم دي.

ده زياته کړه: ((جګړې يو ساعت دوام وکړ او د پنځو طالبانو جسدونه اوس هم په سيمه کې پراته دي.))

دغه راز د هلمند د امنيې قوماندانۍ مطبوعاتي مسوول دويم څارن محمد زمان همدرد پژواک ته وويل چې په دې جګړه د طالبانو يو شمېر وسلې او مهمات هم د امنيتي ځواکونو لاس ته ورغلي دي.

خو همدرد په دې جګړه کې د پوليسو د مرګ ژوبلې موضوع رد کړه.

د ناقل اباد سيمې اوسېدونکي ګل جان په دې اړه پژواک ته وويل چې له تېرو څو شپو راهيسې، طالبان هره شپه پر پوستو بريدونه کوي.

د نوموړي د معلوماتو له مخې، تېره شپه امنيتي ځواکونو هوايي بمبار کړى چې له امله یې يو شمېر طالبان وژل شوي دي.

بل لور ته وسله وال طالبان هم دغه جګړه تاييدوي.

د دې ډلې وياند قاري يوسف احمدي وايي چې تېره شپه طالبانو د نادعلي ولسوالۍ په ناقل اباد سيمه کې د پوليسو پر يوې پوستې بريد کړى دى.

هغه وايي چې په دغه بريد کې اووه پوليس وژل شوي او دوه نور ټپيان شوي او يو شمير وسلې او مهمات يې د طالبانو لاس ته ورغلي دي.

احمدي په دې جګړه د طالبانو د مرګ ژوبلې په اړه څه ونه ويل.

گزارش های مربوطه:

تبصره کنيد

اعلانات

Advertisement