خدمات پژواک

بخش عکاسى پژواک

بخش صوتى

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

په پوځي عملیاتو کې د ملکي زیانونو د ارزونې لپاره کمېټه جوړه شوه

په پوځي عملیاتو کې د ملکي زیانونو د ارزونې لپاره کمېټه جوړه شوه

Jul 17, 2019 - 09:13

د ملي امنيت شورا وايي، چې د امنیتي سکتور د مشرتابه ناستې پرېکړه وکړه، چې د پوځي عملیاتو د اغېزو د کتو او د ملکي زیانونو د ارزونې لپاره دې یوه ګډه کمېټه جوړه شي.

د امنيت شورا لخوا په يوه خپره شوې خبرپاڼه کې راغلي، چې دا ناسته چې نن د ملي امنیت د سلاکار ډاکټر حمدالله محب تر مشرۍ لاندې جوړه شوه د ملي دفاع او کورنیو چارو وزارتونو او ملي امنیت لوی ریاست څخه وغوښتل، چې له امنیت شورا سره په ګډه یوه کاري کمېټه رامنځته کړي.

د ملي امنیت سلاکار وویل، حکومت ټولې هغه لارې چارې کاروي، چې د ملکي وګړو ژوند خوندي شي، خو متاسفانه وسله وال طالبان له عامو خلکو او ځایونو د سپر په توګه کار اخلي او په دوامدار شکل ملکي اهداف په نښه کوي.

د امنیتي سکتور په ناسته کې د هیواد د نورو ولایتونو پر امنیت هم خبرې وشوې او اړونده ادارو ته لارښوونه وشوه، چې د ستونزو د حل په موخه اړین اقدامات وکړي.

دې ناستې ته د تورخم بندر په اړه د هغه تحقیق رپوټ هم وړاندې شو، چې د جلالتمآب ولسمشر د حکم پر بنسټ تیار شوی او هلته ځینې جدي امنیتي او قانوني ستونزې په ګوته کوي. د امنیتي سکتور مشرتابه ناستې لارښوونه وکړه، چې هر اداره مکلفه ده د تحقیق موندنې جدي ونیسي او په اړه یې قانوني اقدامات وکړي.

د يادونې وړ ده، چې په دې وروستيو کې د هېواد په بېلا بېلو سيمو کې د عملياتو او بمباريو پر مهال د ملکي وګړو د مرګ ژوبلې کچه لوړه شوې ده.

علامت: 

گزارش های مربوطه:

تبصره کنيد

اعلانات

Advertisement

Etisalat Get more data, Etisalat Afghanistan