خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

کونړ کې د داعش ١٣ کسيزه ډله حکومت سره يو ځاى شوه

کونړ کې د داعش ١٣ کسيزه ډله حکومت سره يو ځاى شوه

Aug 22, 2019 - 19:08

اسعد اباد (پژواک، ٣١ زمرى ٩٨) : د کونړ ولايت امنيه قومانداني وايي چې د داعش    ١٣ کسیزه ډله  ملي پولیسوته تسلیم شوې ده.

 د کونړ والي عبدالستار میرزکوال د زمري په ٣١مه، په دې اړه جوړو شويو مراسمو کې وويل چې دوى خپلې وسلې هم پوليسو ته تسليم کړې دي.

هغه زياته کړه، له دې وروسته به دوى د هېواد د ملي بیرغ تر سیوري لاندې ژوند کوي او ډاډ يې ورکړ چې د دوی سر اومال به خوندي وي.

د کونړوالي وویل چې دلته د داعش وسله واله ډله تر محاصرې لاندې ده او په پوره توګه ځپل شوې ده.

نوموړي زیاته کړه، د داعش ډله د کونړ ولایت په شوړیک او چلس په غرنیو سیمو کې شتون لري  او ډېر ژر به له منځه يوړل شي.

د کونړ امنیه قوماندان سمونمل شفیق الله سهار وویل، داعش دغه دیارلس کسیزه ډله چې د کونړ ولایت په شیکل او د نورګل ولسوالۍ په مزار دره کې د دولت خلاف وسله وال فعالیتونه کول له خپلو وسلو سره چې يو ميل راکټ انداز او ١١ ميله کلاشينکوفونه  دي چې پولیسوته يې تسليم کړل.

د داعش ډلې تسليم شوى يوتن مومن بيا وويل چې دوی او ملګرو يې له داعش ډلې سره له تېرو درې کلونو راهيسې بيعت کړی و او د کونړ ولایت په شيګل او نورګل ولسوالۍ په مزار دره کې د دولت ضد فعاليتونه کول.

هغه زياته کړه : ((اوس موږ پر دې پوه شوي يو چې د دغو روانو جنګونو يواځينی هدف افغان وژنه ده اوبس، موږ نه غوښتل چې نور خپل ورونه ووژنو او هېواد د بدبختیو لور ته بوځو.))

علامت: 

گزارش های مربوطه:

تبصره کنيد

اعلانات

Advertisement