خدمات پژواک

بخش عکاسى پژواک

بخش صوتى

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

د تهران په یوه روغتون کې چاودنو تر ۳۰ زیاتو کسانو ته مرګ ژوبله اړولې ده

د تهران په یوه روغتون کې چاودنو تر ۳۰ زیاتو کسانو ته مرګ ژوبله اړولې ده

Jul 01, 2020 - 11:31

کابل (پژواک، ۱۱ چنګاښ ۹۹) : د ایران د پلازمېنې په یوه روغتون کې تر چاودنې وروسته اورلګېدنه رامنځته شوې چې له امله یې ۱۹ کسان مړه او ۱۵ نور ټپیان شوي دي.

د ایراني رسنیو د راپورونو له مخې، تېره شپه د تهران په یوه روغتیايي مرکز کې لومړی دوه چاودنې شوې دي او وروسته له هغه اورلګېدنه رامنځ ته شوې ده.

ځایي مسوولینو رسنیو ته ویلي چې اور د روغتیايي مرکز ټولو پوړونو ته رسېدلی چې د وروستیو معلوماتو له مخې، په دې پيښه کې ۱۹ تنه مړه او ۱۵ نور ټپیان شوي دي.

ایراني چارواکو د چاودنو په اړه معلومات نه دي ورکړي، خو وایي ښايي پېښه د اکسیجن د ډبو د چاودنې له امله رامنځ ته شوې وي.

ایراني پولیس وایي چې د پېښې په اړه به نور معلومات وروسته له رسنیو سره شریک کړي او ددې احتمال هم شته چې مرګ ژوبله تر دې لوړه شي.

علامت: 

گزارش های مربوطه:

تبصره کنيد

اعلانات

Advertisement