Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

پوليس د ځانمرګي واسکټ د لېږد پرمهال ونيول شول

پوليس د ځانمرګي واسکټ د لېږد پرمهال ونيول شول

By
On
Apr 26, 2012 - 19:16

ښرنه (پژواک ٧ غويى ٩١): د پکتيکا چارواکي وايي، په برمل ولسوالۍ کې يې درې سيمه ييز پوليس او د سيمې يو اوسېدونکى د ځانمرګي بريد د واسکټ د لېږد پر مهال نيولي دي.

  د پکتيکا د سيمه ييزو پوليسو قوماندان جنرال عزيزالله پژواک خبري اژانس ته وويل، دغه کسان ګډو ځواکونو په داسې حال کې ونيول، چې غوښتل يې په موټر کې د ځانمرګي بريد واسکټ يوه خوندي ځاى ته ولېږدوي.

 هغه وايي، چې يادو سيمه ييزو پوليسو د برمل ولسوالۍ په موسى نيکه سيمه کې په يوه امنيتي پوسته کې دندې لرلې او دوى ته د سيمې د قومي مشرانو له خوا ورپېژندل شوي وو.

 ده وويل چې څلورم نيول شوى تن د سيمې اوسېدونکى دى .

 هغه زياته کړه، چې د يادو کسانو د بريد موخه تراوسه نه ده معلومه، خو واسکټ ورته له پولې هغې غاړې رالېږل شوی و.

 د پکتيکا د والي وياند مخلص افغان هم د دې خبر پخلی وکړ، خو نور جزئيات يې ورنه کړل.

 له دې وړاندې په پکتيکا کې يوه سيمه ييز پوليس خپل نهه ملګري وژلي و او دى وسلوالو طالبانو ته ورغلى و.

 دا مهال د پکتيکا په ارګون، سروبي، سرروضه، خيرکوټ، جاني خېلو، برمل او شکين ولسواليو کې سيمه ييز پوليس د کورنيو چارو وزارت په چوکاټ کې فعاليت کوي.

 پخوا چارواکو ويل، چې په پكتيكا كې سيمه ييز پوليس د امنيت په ټينګښت کې ښه ثابت شوي دي؛ خو له يادو پېښو وروسته يې اوس  په اړه اندېښنې پيدا شوې دي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update