Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په لوګر کې د دوه پروژو چارې پيل شوې

په لوګر کې د دوه پروژو چارې پيل شوې

By
On
Jun 19, 2017 - 15:16

پل علم(پژواک،٢٩غبرګولى٩٦): په لوګر کې د ٣٥ ميليونه افغانيو په لګښت د دوه پروژو د جوړېدو چارې پيل شوې.

د غبرګولي په٢٩مه د اړوندې موضوع په اړه جوړشويو مراسمو ته د لوګر والي محمد حليم فدايي وويل چې په دې پروژو کې د عامې روغتيا رياست او تجربوي ليسې لپاره د ودانيو جوړول شامل دي.

ده وويل چې د عامې روغتيا رياست ودانۍ په څلورو پوړونو کې جوړيږي چې ٢٠ ميليونه افغانۍ لګښت پرې راځي.

هغه زياته کړه: (( تر دې وړاندې موږ د صحت عامې لپاره خپله ودانۍ نه درلوده، صحت عامه په کرايي کور کې وه او هر کال به ډيرې پيسې د دې رياست په کرايه لګېدې.))

ده وويل چې د دې ودانۍ ماليي لګښت د عامې روغتيا وزارت له پرمختيايي بوديجې څخه ورکول کيږي.

دغه راز د لوګر د پوهنې رييس محمد اکبر ستانکزي وويل چې د دې ولايت تجربوي لېسې ته هم ودانۍ جوړيږي.

هغه وويل چې دغه ودانۍ به د يو کال په موده کې جوړه شي چې په ټوليز ډول به ١٥ميليونه افغانۍ لګښت پرې وشي.

ده هم وويل چې تر دې وړاندې تجربوي لېسې خپله ودانۍ نه درلوده او چارې يې په کرايي کورکې پرمخ تللې.

د ستانکزي د معلوماتو له مخې، د لوګر په تجربوي لېسه کې اوسمهال د ١٢٠ په شاوخوا کې زده کوونکي زده کړې کوي.

دغه راز په ياده غونډه کې د لوګر د ولايتي شورا رييس محمد ناصر غيرت د يادو ودانيو پر جوړېدو خوښي وښوده او زياته يې کړه: (( دلته چې د هرې ودانۍ د بنسټ ډبره کېښودل کيږي، موږ پرې خوشحاليږو ځکه چې زموږ ډېرې دولتي ادارې ودانۍ نه لري.))

د لوګر د حکومتي چارواکو د معلوماتو له مخې، ددې ولايت نږدې ٣٠ سلنه دولتي ادارې ودانۍ نه لري او په کرايي کورونو کې خپلې چارې پرمخ وړي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update