Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

ملي تدارکاتو کمېسیون لس قراردادونه منظور کړل

ملي تدارکاتو کمېسیون لس قراردادونه منظور کړل

By
On
Jun 19, 2017 - 15:20

کابل (پژواک، ٢٩ غبرګولى ٩٦): ملي تدارکاتو کمېسیون د ۱،۴ میلیارد افغانیو په ارزښت لس قراردادونه منظور کړي دي.

له ارګ څخه پژواک خبري اژانس ته په رالېږل شوې خبرپاڼه کې راغلي، چې د ولسمشر محمد اشرف غني په مشرۍ د ملي تدارکاتو کمېسیون غونډه کې چې نن له غرمې مخکې په ارګ کې جوړه شوې وه د ۱،۴ میلیارد افغانیو په ارزښت د کابل ښار د سړک جوړولو د څلورو پروژو په شمول لس قراردادونه منظور کړل.

سرچينه کاږي، منظور شوو قراردادونو کې د کابل ښاروالۍ اړوند د درېیم پروان، د تنظیف څلور لارې څخه تر لب جر څلور لارې پورې، د پنځه سوه فامیلي څلور لارې او د مریم لېسې څخه تر خشت هوختیف پورې د سړکونو جوړول او پخول؛ د برېښنا او اوبو لګولو وزارت اړوند د لقي، شهروان تخار او سیاه اب کانالونو جوړول او بیارغول؛ د فواید عامې وزارت اړوند د ټرانس ــ هندوکش سړک د پروژې لپاره د مشورتي شرکت استخدام؛ د حامد کرزي بین المللي هوایي ډګر د ساتنې او بیارغونې خدمتونه شامل دي.

سرچينه زياتوي، د ملکي هوایي چلند خپلواکې ادارې اړوند د مزار شریف د رادار سيستم د ساتنې او بیارغونې پروژه؛ د کورنیو چارو وزارت اړوند د نقلیه وسایطو ۱۹۱ قلمه پرزو تدارک؛ د پایتخت زون د پرمختیا خپلواکې ادارې د معلوماتي ټکنالوجۍ د تجهیزاتو تدارک؛ د مخدره موادو پر وړاندې د مبارزې وزارت اړوند د عامه پوهاوي د پروګرام پروژه هم په يادو منظور شويو قراردادونو کې شامل دي.

د خبرپاڼې په حواله، په غونډه کې همداراز د وړتیا له لحاظه په بېلابېلو ګټګوریو کې د شرکتونو د طبقه بندۍ د کار د پيل، کوچنیو او منځنیو شرکتونو ته د زیاتې برخې ورکولو د فرصت رامنځته کولو په ځانګړې ډول هغه شرکتونه چې په رښتینې توګه يې مالکیت ښځینه سوداګرو پورې اړوند وي؛ د لومړیتوب، د ودانیزو چارو سکتور کې د کورنۍ پانګونې لپاره زمینه سازي او د شرکتونو د ګټې د مالکیت په اړه بحث ترسره شو.     

د خبرپاڼې د معلوماتو له مخې، په دې غونډه کې  اجرائيه رئیس ډاکټر عبدالله عبدالله، د مالیې، اقتصاد او عدلیې وزیرانو، په زېربنايي چارو کې د جمهور رئیس ستر سلاکار ډاکټر محمد همایون قیومي، د ملي تدارکاتو ادارې چارواکو او د ولسي جرګې د مالي او بودجې کمېسیون څارونکو هم برخه اخيستې وه.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update