Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

تخار کې د نا مسووله وسله والو ترمنځ جګړه کې اوو کسانو ته مرګ ژوبله اوښتې

تخار کې د نا مسووله وسله والو ترمنځ جګړه کې اوو کسانو ته مرګ ژوبله اوښتې

By
On
Sep 13, 2017 - 15:51

تالقان (پژواک، ٢٢ وږى ٩٦): د تخار په رستاق ولسوالۍ کې د نا مسووله وسله والو قوماندانانو تر منځ جګړه کې درې کسان وژل شوي او څلور نور ټپيان دي.

د تخار د امنیې قوماندانۍ ویاند سمونیار عبدالخلیل اسیر د وږي په ٢٢مه پژواک خبري اژانس ته وويل چې نن سهار لس بجې د ملا پیرمقل او قوماندان جمال تر منځ په رستاق ښار کې نښته شوې ده.

هغه وايي چې په دې نښته کې درې کسان وژل شوي او څلور نور ټپيان دي چې په وژل شوو کې يو ملکي وګړى هم شامل دى.

د نوموړي په خبره، قوماندان جمال هم په دې نښته کې د ملا پیرمقل د وسله والو له لوري وژل شوی دی.

د رستاق ښار یوه اوسېدونکي سميع الله پژواک ته وويل چې د دې پېښې له رامنځته کېدو وروسته د رستاق په بازار کې ټولې هټۍ تړل شوې دي.

سمیع والله وايي چې ټول ښار نظامي بڼه لري، د پولیسو تر څنګ په لارو او کوڅو کې نا مسووله والې ډلې هم لیدل کېږي.

خو امنیتي چارواکي وايي چې د دې موضوع څېړلو لپاره یې سیمې ته یو پلاوی  استولى دى.

په ورته وخت کې بیا ملا پیرمقل پژواک ته وويل، ولسوالۍ ته په لار وو چې د جمال کسانو پرې د راکټ ډز کړى دى.

د هغه په وينا، د ده کسانو دفاعي ډزې کړې خو سره له دې هم په پېښه کې د ده يو ډريور او ساتونکى ټپيان شوي دي.

د يادونې ده، تر دې وړاندې هم ملا پيرمقل د دغه ولايت د ولايتي شورا د غړي عين الدين رستاقي او ځينو نورو کسانو پر وژنه تورن دى.

Related Article

Add new comment

Advertisement

Advertisement

Twitter Update