Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په بلخ کې د طالبانو د يو ولسوال په ګډون ١٧ وسله وال وژل شوي

Security & Crime

ارشيف

په بلخ کې د طالبانو د يو ولسوال په ګډون ١٧ وسله وال وژل شوي

By
On
Jan 12, 2018 - 15:55

مزار شريف (پژواک، ٢٢ مرغومى ٩٦) : د بلخ ولايت امنيتي مسوولين وايي چې د وسله والو طالبانو د يوه ولسوال په ګډون ١٧ وسله وال يې په يوه نښته کې وژلي دي.

په شمال کې د پوليسو د ٧٠٧ پامير زون وياند سيد سرور حسيني د مرغومي په ٢٢مه، پژواک خبري اژانس ته وويل چې دا نښته تېره شپه د شورتېپه ولسوالۍ د اسلام پنجه سيمه کې رامنځته شوې ده.

هغه زياته کړه، د پوليسو او وسله والو طالبانو په نښته کې ١٧ وسله وال طالبان وژل شوي دي.

بلخوا طالب وياند ادعا کړې ده چې په دې نښته کې ٧ پوليس وژل شوي او ٦ نور ټپيان دي.

دى وايي چې په نښته کې دوه طالبان هم وژل شوي دي.

خو د بلخ دامنيه قوماندانۍ د امنيت امر سمونوال عبدالرزاق قادري د طالبانو ادعا رد کړه او ويې ويل چې پوليسو ته مرګ ژوبله نه ده اوښتې.

هغه پژواک ته وويل، سرحدي پوليسو هم په ياده نښته کې له ملي پوليسو سره همکاري کړې ده.
د قادري په وينا، اسلام پنجه د شورتېپه ولسوالۍ لوېديځ لور ته په ٥٠ کيلو مترۍ کې موقعيت لري.

Tags: 

Related Article

Add new comment

Advertisement

Advertisement

Twitter Update