Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

ننګرهار کې د نيالګيو روزلو لپاره شنه خونه جوړه شوه

ننګرهار کې د نيالګيو روزلو لپاره شنه خونه جوړه شوه

By
On
Apr 04, 2018 - 14:57

جلال اباد (پژواک، ۱۵ وری ۹۷): په ننګرهار ولايت کې د بڼوالۍ د پرمختيا ملي موسسې له لوري د ۴۰ زره نيالګيو روزنې يوه لويه شنه خونه جوړه شوه او په هر موسم کې د نيالګيو د روزنې وړتيا لري.

دغه شنه خونه د کانال رياست اړوند د ثمرخېلو په قوريه جاتو (نرسريانو) کې ورغول شوه چې د ډېرو اسانتياوو او امکاناتو لرونکې ده.

د ننګرهار د کانال رييس غلام حضرت عبدالرحيمزي د يادې خونې د پرانيستې په مراسمو کې وويل چې پخوا يې ۴۰زره نيالګي په پنځه جريبه ځمکه کې روزل؛ خو د دې شنې خونې په جوړېدو سره اوس ياد نيالګي يوازې په يو جريب ځمکه کې روزل کېږي.

دی وايي، دغه شنه خونه په هر وخت کې د نيالګيو د روزلو ظرفيت لري او په کمه ځمکه کې د ډېرو نيالګيو د روزلو تر ټولو غوره ځای دی.

په ورته وخت کې د افغانستان د بڼوالۍ د پرمختيا ملي موسسې مشر نجيب الله عنايت وايي چې د نيالګيو روزلو دغه خونه تر ټولو غوره زمينه سازي کوي.

هغه زياته کړه، له يادې چارې موخه په ختيځ زون کې له بڼوالۍ ملاتړ دی چې تر اوسه د دې موسسې په مرسته ۹۰ جريبه ځمکو کې د بېلابېلو مېوه لرونکو بوټو باغونه رغول شوي دي.

په ختيځ کې د دې موسسې مشر محمد عزيز سعيدي وويل چې اوسمهال په دې شنه خونه کې ۴۰زره يو قسم نيالګي ايښودل شوي او وروسته به په کې د بېلابېلو سترسو قلمې پيوند او د باغونو جوړېدو په موخه به د کانال رياست په مختلفو ځمکو کې وکرل شي.

Related Article

Add new comment

Advertisement

Advertisement

Twitter Update