Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

ترکيې په تېرو څو اوونيو کې نږدې ٧زره افغانان بېرته افغانستان ته را لېږلي

ترکيې په تېرو څو اوونيو کې نږدې ٧زره افغانان بېرته افغانستان ته را لېږلي

By
On
Apr 17, 2018 - 15:40

کابل (پژواک، ٢٨ ورى ٩٧): ترکيې په تېرو څو اوونيو کې نږدې اووه زره هغه افغان کډوال را ایستلي چې دغه هېواد ته په غير قانوني توګه تللي وو.

د ترکيې دولتي اژانس (انادولو) خبر ورکړى چې دغه غير قانوني افغان کډوال د تېرو څو اوونيو په اوږدو کې خپل هېواد ته استول شوي دي.

سرچينې د ترکيې د کورنيو چارو وزارت د کډوالو څانګې د معلوماتو له مخې خبر ورکړى چې په ياده موده کې ٦٨٤٦ غير راجستر شوي او اسناد نه لرونکي افغانان کابل ته لېـږدول شوي دي.

د سرچينې د معلوماتو له مخې، دغه افغانان د ترکيې له ختيځو ولايتونو ارزورم، اګري او له لوېديځ ولايت ازمير څخه په نهو الوتنو کې ستنول شوي.

د ترکيې د کورنيو چارو وزارت ويلي چې د نورو غير قانوني کډوالو کارونه هم تر پروسس لاندې دي او په نږدې راتلونکي کې به هغوى هم واستول شي.

د راپورونو له مخې، دغه افغانان په غير قانوني توګه د ايران له لارې د ترکيې ارزوروم ولايت ته تللي وو او بيا همالته نيول شوي وو.

ترکيه د افغانانو او د اسيا د نورو هېوادونو د غير قانوني کډوالو لپاره اروپا ته د رسېدو د ټرانزيټ هېواد حيثيت لري.

د ترکيې د حکومت د معلوماتو له مخې، په تېرو درېيو مياشتو کې شاوخوا ٢٠زره افغانان په غير قانوني توګه دغه هېواد ته رسېدلي دي.

سرچينې ويلي چې د اپرېل په اتمه نېټه د افغانانو لومړۍ دوه سوه کسيزه ډله له ارزوروم ولايت څخه کابل ته ولېږدول شوه.

د يادونې ده، څو ورځې مخکې کابل ته د سفر پر مهال د ترکيې لومړي وزير بن علي يلدرم له افغان چارواکو سره د کډوالو پر موضوع هم خبرې کړې وې.

Related Article

Add new comment

Advertisement

Advertisement

Twitter Update