Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په افغانستان کې وچکالۍ ۵۰۰زره ماشومان زیانمن کړي

Environment

ارشيف

په افغانستان کې وچکالۍ ۵۰۰زره ماشومان زیانمن کړي

By
On
Apr 24, 2018 - 12:49

کابل (پژواک، ٤ غويى ٩٧): ملګري ملتونه وايي چې په افغانستان کې د روانې وچکالۍ له امله پنځه سوه زره ماشومان زيانمن شوي دي.

د ملګرو ملتونو د ماشومانو د صندوق (يونيسف ) له خوا د غويي په ٤مه په يوه خپره شوې خبرپاڼه کې راغلي چې سختې وچکالۍ د افغانستان ٢٢ ولايتونه ځپلي دي.

سرچينې زياته کړې چې اوس دغې وچکالۍ د افغانستان ميليونونه وګړي هم ځپلي چې په کې ٥٠٠زره ماشومان هم شامل دي.

يونيسف اندېښنه څرګنده کړه چې په راتلونکو مياشتو کې به د وچکالۍ بدې اغېزې او زيانونه نور هم زيات شي.

سرچينې ويلي چې د افغانستان په لسو ولايتونو کې د خوړو او اوبو قلت رامنځته شوى او له ٢٠ څخه تر ٣٠ پورې د اوبو سرچينې وچې شوې دي.

ملګرو ملتونو زياته کړې چې له وچکالۍ د ماشومانو زيانمنېدل ډېره اندېښمنوونکې ده او د څښلو پاکو اوبو ته د نه لاسرسي له امله به ماشومان پر بېلا بېلو ناروغيو اخته شي.

په افغانستان کې د يونيسف ادارې مشرې اډيل خودر ويلي چې د وچکالۍ له امله د ماشومانو د نور زيانمنېدو د مخنيوي لپاره بايد بيړني اقدامات وشي .

هغې زياته کړې چې د افغانستان ماشومان لا دمخه له ډېرو ستونزو او ننګونو سره مخ دي، خو وچکالۍ ددوى ژوند نور له ګواښ سره مخ کړى.

د افغانستان حکومت هم وچکالۍ اندېښمن کړى او په دې برخه کې يې له نړيوالې ټولنې د مرستې غوښتنه کړې ده.

دا په داسې حال کې ده چې ولسمشر اشرف غني هم په يوه ځانګړې غونډه کې د وچکالۍ ځپلو ولايتونو لپاره ځانګړې بوديجه منظوره کړې ده.

Tags: 

Related Article

Add new comment

Advertisement

Advertisement

Twitter Update