Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

"د ولسي جرګې د نوماند حاجي جلال الدین صالحي قاتلان دې قانون ته وسپارل شي"

"د ولسي جرګې د نوماند حاجي جلال الدین صالحي قاتلان دې قانون ته وسپارل شي"

By
On
Aug 26, 2018 - 17:02

کابل (پژواک، ۴ وږى ۹۷): په کابل کې د کورنیو چارو وزارت مخې ته راټول شوو اعتراض کوونکو د ولسي جرګې د نوماند حاجي جلال الدین صالحي قاتلینو ته د جزا ورکولو، د درېیو نیول شوو کسانو د خلاصون او د نوموړي پر کور د برید د لاملونو د په ډاګه کولو غوښتنه وکړه.

اعتراض کوونکو دغه غونډه نن ماسپښین یوه نیمه بجه وروسته له هغه پای ته ورسوله چې د لاریون کوونکو یوه پلاوي د کورنیو چارو له وزیر سره وکتل او ويي ويل، د کورنیو چارو وزیر د دوی غوښتنو ته د رسېدو وعده ورکړې ده.

د ولسي جرګې نوماند حاجي جلال الدین تېره ورځ په شکر دره ولسوالۍ کې د دولتي ځواکونو د عملیاتو په پای کې په خپل کور کې ووژل شو او ورور یې ټپي شو. دغه راز دولتي ځواکونو د صالحي بل ورور او دوه ساتونکي نیولي دي.

نن د شکردرې ولسوالۍ شاوخوا ۲۵۰ کسان د صالحي له خښولو وروسته کابل ته راغلل، د کورنیو چارو وزارت مخې ته یې اعتراضیه غونډه وکړه او د صالحي د وژل کېدو د لامل غوښتنه یې وکړه.

اعتراض کوونکو د مرګ پر اشرف غني، مرګ د کورنیو چارو پر وزیر، مرګ د ملي دفاع پر وزیر، مرګ د ملي امنیت پر رییس او مرګ پر یهودو او نصراوو شعارونه ورکول.

د حاجي جلال الدین صالحي د کاکا زوی او اعتراض کوونکي مصطفی صالحي پژواک خبري اژانس ته وویل: ((زموږ پر حریم تېرۍ شوی دی، حاجي صېب په کور کې و چې د بهرنیو ځواکونو په ملاتړ د ملي امنیت ۰۱ قطعې د هغه په کور برید وکړ؛ موږ د دغه برید او وژنې د لامل د څرګندېدو غوښتنه کوو، که زموږ غوښتنو ته رسېدنه ونشي د کابل ـ شمال لویه لار به وتړو.))

په افغانستان کې مېشتو بهرنیو ځواکونو ویلي چې په دغه برید کې لاس نه لري.

مصطفی د جلال الدین پر کور برید وغانده او زیاته یې کړه: ((حاجي جلال الدین د حکومت او امنیتي ځواکونو همکار و، که هغه مجرم و نو نیوه به يې، که حاجي جلال الدین ته یې جلب هم لږلی وای نو هغه په خپله ورته.))

د جلال الدین صالحي ورور صلاح الدین صالحي له نورو اعتراض کوونکو سره یو ځای د کورنیو چارو له وزیر ویس احمد برمک سره تر لیدو وروسته لاریون کوونکو ته وویل: ((موږ دوه غوښتنې لرلې، دواړه مو له داخلې وزیر سره شریکې کړې، یا به تر بلې دې ورځې اویا تر سبا سهار درې بندیان خوشي کېږي او تر راتلونکو څلورو ورځو به د صالحي د وژنې لاملونه او قاتلین معلوموي، پرته له دې به موږ بیا لاس په کار کېږو.))

نوموړي هم وویل، ورور مې له کوم دلیل او جرم پرته وژل شوی دی او قاتلان یې باید د قانون منګولو ته وسپارل شي.

هغه زیاته کړه: ((د کورنیو چارو وزیر د ملي امنیت له رییس سره تر ټيلېفوني اړیکې وروسته وویل، که د یاد برید لپاره مناسب دلایل موجود نه وي د ملي امنیت د ۰۱ قطعې رییس به عدلي او قضايي ارګانونو ته ور وپېژني.))

نوموړي د شکردرې له اوسېدونکو او د صالحي له پلویانو وغوښتل چې تر راتلونکو څلورو ورځو د لاریون نه کوي او د حکومت د ژمنو عملي کېدو ته د په تمه شي.

د هغه په خبره، که حکومت یې په کړو ژمنو عمل ونه کړي خلک به عدالت غوښتنې ته دوام ورکړي.

Related Article

Add new comment

Advertisement

Advertisement

Twitter Update