Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د سمنګان په دره صوف پایین کې شاوخوا ۳۰ کلي طالبانو نیولي

د سمنګان په دره صوف پایین کې شاوخوا ۳۰ کلي طالبانو نیولي

By
On
Oct 12, 2018 - 15:45

ایبک (پژواک، ۲۰ تله ۹۷): د سمنګان امنیتي مسوولین وايي چې د دغه ولایت د دره صوف پایین ولسوالۍ د سیمه ییزو پولیسو د څو امنیتي پوستو د سقوط تر څنګ شاوخوا ۳۰ کلي د طالبانو تر کنټرول لاندې راغلي دي.

د دره صوف پايين ولسوال عبدالیقین احمدي پژواک خبري اژانس ته وویل چې طالبانو تېره شپه شاوخوا نهه بجې د دې ولسوالۍ په مقصود سیمه کې د سیمه ییزو پولیسو او ولسي پاڅون کوونکو پر پوستو بریدونه وکړل.

هغه زیاته کړه چې په دغه برید کې د سیمه ییزو پولیسو لږ تر لږه پنځه پوستې د طالبانو لاس ته ورغلې او د الماس تر قوماندې لاندې سیمه ییزو پولیسو سیمه پرېیښې او د ولسوالۍ په زیرکي کلي کې ځای پر ځای شوي دي.

هغه زیاته کړه چې د دې پوستو له سقوط سره د ۲۵ تر ۳۰ شاوخوا کلي او همدارنګه د دره صوف- مزارشریف څلورلارې د طالبانو تر کنټرول لاندې راغلي او د دره صوف – سمنګان لاره د دولتي مامورینو پر مخ تړل شوې ده.

دا په داسې حال کې ده چې د تېرو درېیو میاشتو په اوږدو کې د زیرکي، د دره صوف پایین ولسوالۍ د بلغلي او دایکنډي امنیتي پوستو سقوط کړی او په پایله کې یې د سیمه ییزو پولیسو او ولسي پاڅون کوونکو لسګونو سرتېرو ته مرګ ژوبله اوښتې ده.

Related Article

Add new comment

Advertisement

Advertisement

Twitter Update