Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په غزني او میدان وردګو کې امنیتي سرتېرو او طالبانو ته مرګ ژوبله اوښتې

په غزني او میدان وردګو کې امنیتي سرتېرو او طالبانو ته مرګ ژوبله اوښتې

By
On
Nov 08, 2018 - 14:18

غزني- ميدان ښار (پژواک، ١٧ لړم ٩٧): په غزني او ميدان وردګو ولايتونو کې د افغان امنيتي ځواکونو او طالبانو ترمنځ جګړو کې اووه امنيتي سرتېري او يو شمېر طالبان وژل شوي دي.

د غزني د والي وياند محمد عارف نوري د لړم په ١٧مه پژواک خبري اژانس ته وويل چې تېره شپه وسله والو طالبانو د ښار اړوند قلعه قاضي سيمه کې د پوليسو پر پوستې بريد کړى دى.

هغه وايې چې په دغه بريد کې درې پوليس وژل شوي او پنځه نور ټپيان دي.

نوري دا هم وويل چې د اندړو ولسوالۍ په سرخ دېوال سيمه کې هم طالبانو د پوليسو پر پوستې بريد کړى چې په ترڅ کې يې يو پوليس وژل شوى او درې نور ټپيان دي.

ده وويل چې په يادو جګړو کې طالبانو ته هم درنه مرګ ژوبله اوښتې خو کره شمېره يې تر اوسه معلومه نه ده.

دغه راز د يو بل خبر له مخې، په ميدان وردګو ولايت کې هم د ملي اردو سرتېرو ته مرګ ژوبله اوښتې ده.

د دغه ولايت د والي وياند عبدالرحمن منګل پژواک ته وويل چې تېره شپه وسله والو طالبانو د سيد اباد ولسوالۍ د مغلو په سيمه کې د ملي اردو پر دوو پوستو بريدونه وکړل.

هغه زياته کړه چې په دغو بريدونو کې درې سرتېري وژل شوي او پنځه نور ټپيان شوي دي.

منګل وايي چې د يوې پوستې سرتېرو شا تګ کړى و، خو وروسته بېرته دغه پوسته امنيتي ځواکونو ونيوه.

د نوموړي په وينا، په دې نښته کې پنځه وسله وال طالبان وژل شوي او اووه نور ټپيان دي.

بل لور ته وسله وال طالبان هم دغه جګړې تاييدوي.

د دې ډلې وياند ذبيح الله مجاهد پژواک ته وويل چې د غزني، کندوز او ميدان وردګو په جګړو کې ٨٣ امنيتي سرتېري وژل شوي دي.

دى وايي چې په دغو جګړو کې طالبانو د حکومتي سرتېرو دوه قرارګاوې او پنځه پوستې هم نيولې دي.

د يادونې ده، په دې وروستيو کې يو ځل بيا د افغان امنيتي ځواکونو او وسله والو طالبانو ترمنځ جګړو زور اخيستى دى.

Related Article

Add new comment

Advertisement

Advertisement

Twitter Update