Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

پکتیکا کې د بې اسناده موټرو پر ګرځېدو بندیز لګېدلی

پکتیکا کې د بې اسناده موټرو پر ګرځېدو بندیز لګېدلی

By
On
Nov 08, 2018 - 17:41

ښرنه (پژواک، ١٧ لړم ٩٧): د پکتيکا ولايت د امنيې قوماندانۍ له لوري په مرکز ښرنه کې د موټرو د تورور ښيښو سپینولو او په ښار کې د بې اسنادو موټرو بندولو کمپاين پيل شوی.

خو خلک وايي چې دولت دې بې اسنادو موټرو ته قانوني اسناد ورکړي؛ ځکه په دغه ولايت ۹۸ سلنه بې اسنادو موټر ګرځي.

د پکتيکا امنيه قوماندان مل پاسوال غلام سخي روغ لېوني د لړم په ١٧مه پژواک خبري اژانس ته وويل چې په ټوله پکتیکا کې له ټولو نظامي ارګانونو سره په همغږي د ښه امنیت ساتلو لپاره به د ټولو دولتي او ملکي وګړو د موټرو د تورو شيشو مخنیوی کوي.

هغه زياته کړه چې يوه میاشت يې هغو موټرو ته وخت ورکړى چې د افغانستان لاس نه وي او يا هم  جوازونه نه لري او که وروسته له چا سره کوم بې جوازه موټر ولیدل شي نو دوی به يې ورڅخه ضبط کړي.

د مرکز ښرنې اوسېدونکي نديم پژواک ته وويل چې په دغه ولايت کې ۹۸ فيصده موټر اسناد نه لري چې بندول به يې حکومت او خلک وننګوي.

هغه وويل چې دولت دې د بې اسناده موټرو لپاره قانوني جوازونه ووېشي چې له يو اړخه خلک خپلو موټرو ته قانوني اسناد جوړ کړي بل لور ته به له دې لارې دولت ته يو زيات شمېر عوايد په لاس ورشي.

نوموړي په دې برخه کې  له حکومته د کلکې پاملرنې او پلان جوړونې غوښتنه وکړه.

د اورګون ولسوالۍ د دنې کلي اوسطدونکي منور پژواک ته وويل چې حکومت دې افغانستان ته د هغو موټرو مخه ونيسي چې اسناد نه لري او پلورل کېږي.

سرچينې وويل چې دغه کار به د حکومت او ولس ترمنځ فاصله جوړه کړي، نو په کار ده چې د تېر په څېر بيا هم موټرو ته قانوني اسناد ورکړل شي.

په مرکز ښرنه کې د موټرو د یوه پلورنځي مسوول شمس الدين پژواک ته وويل چې د دوی په شورم کې په سلګونو بې اسناده موټر ولاړ دي او په دغه لايت کې هم خلک بې اسناده موټر خوښوي.

هغه زياته کړه چې د امنيتي ځواکونو له لوري شوې پرېکړه يو احساساتي عمل دی او په دې پرېکړه دې بيا کتنه وشي.

د نوموړي په وينا، د تورو ښيښو سپینولو پرېکړه پر ځای پرېکړه ده، خو دوی هيله لري چې امنيتي ارګانونه دې د شخصي موټرو تر څنګ د زورواکو او او دولتي کسانو د موټرو شېشي هم سپينې کړي.

د يادونې ده، دوه کاله وړاندې هم په دغه ولايت کې پر بې اسنادو موټرو بنديز لګېدلی و خو بيا بېرته پر خپل حال پرېښودل شو.

Related Article

Add new comment

Advertisement

Advertisement

Twitter Update