Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

په سمنګان کې شاوخوا۸۰۰ بېځایه شوو کورنیو ته ژمنۍ جامې ووېشل شوې

په سمنګان کې شاوخوا۸۰۰ بېځایه شوو کورنیو ته ژمنۍ جامې ووېشل شوې

By
On
Dec 06, 2018 - 14:38

ایبک (پژواک، ۱۵ لېندۍ ۹۷): د کډوالو په چارو کې د ملګرو ملتونو د سازمان عالي کمېشنرۍ په سمنګان کې تر ۸۰۰ ډېرو بېځایه شوو کورنیو ته ژمنۍ جامې ووېشلې.

د سمنګان د کډوالو او بېرته راستنېدونکو چارو امر سید کمال حسیني په کډوالو چارو کې د ملګرو ملتونو سازمان د عالي کمېشنرۍ له خوا د یادې البسې د وېش پر مهال وویل، ژمنۍ جامې چې جمپر، جاکټ، پتلون، جورابې، زېر پوشي، د غاړې دستمالونه، بالاپوش، دستکس او د ماشومانو، نارینه وو او ښځو بوټونه پکې شامل وو، له ۸۲۰ زیاتو کورنیو ته وېشل کېږي.

د هغه په خبره، دغه بېځایه شوي کسان د طالبانو او امنیتي ځواکونو ترمنځ د جګړې له امله په تېرو دوو میاشتو کې له دایکنډي، زیرکي او د دره صوف پایین ولسوالۍ له مقصود سیمې څخه د ولایت مرکز ته پناه راوړې ده.

د دره صوف پایین ولسوالۍ د مقصود سیمې اوسېدونکي خواجه محمد چې اته اولادونه لري او اوس د سمنګان ولایت مرکزي سیمې نواباد ته راغلی له یادو مرستو مننه وکړه.

هغه وویل: ((نن له ما سره د لس قلمه ژمنیو جامو مرسته وشوه چې دغه ژمنۍ جامې مې اولادونه له سړې هوا ژغورلای شي.))

نوموړي له مرستندویو ادارو وغوښتل چې په سخته سړه هوا کې ورسره د سون توکو مرسته هم وکړي.

Related Article

Add new comment

Advertisement

Advertisement

Twitter Update