Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

ختيځ کې چارواکي اطلاعاتو ته د لاسرسي په برخه کې ناغېړي کوي

ختيځ کې چارواکي اطلاعاتو ته د لاسرسي په برخه کې ناغېړي کوي

By
On
Jan 10, 2019 - 15:15

جلال اباد (پژواک، ۲۰ مرغومی ۹۷): په ختيځ کې د افغان خبريالانو د خونديتوب کمېټه وايي، د دغه زون چارواکي اطلاعاتو ته د لاسرسي په برخه کې ناغېړي کوي چې له امله يې خبريالان له ستونزو سره مخ دي.

دوی دغه راز د خبريالانو پر وړاندې پرتې امنيتي ننګونې هم د اندېښنې وړ وښودې او يادونه يې وکړه چې په ټول هېواد کې تېر ۲۰۱۸ ميلادي کال د خبريالانو پر وړاندې د تاوتريخوالي ۱۲۱ قضيې ثبت شوې دي.

په ختيځ کې د افغان خبريالانو د خونديتوب کمېټې مشر شېرشاه همدرد د مرغومي په ۲۰مه په همدې تړاو د دغه ولايت د رسنيو په دفتر کې خبري کنفرانس ورکړ.

نوموړي وويل، د خبريالانو پر وړاندې د تاوتريخوالي پېښې که څه هم د تېر کال په پرتله په ټول هېواد کې ۳۸ سلنه کمې شوې خو لا هم اندېښنې شته او د خبريالانو ژوند خوندي نه دی.

دی وايي، په ټول هېواد کې د ۱۲۱ ثبت شوو پېښو له ډلې ۱۷ يې د وژنو، ۱۵ د ټپي کېدو، ۲۱ د وهلو ټکولو، ۲۸ د ګواښلو، ۲۳ د سپکاوي او بد چلند او ۵ پنځه هغه يې د تښتونې پېښې دي.

د نوموړي د معلوماتو له مخې، د دغو پېښو له ډلې ۸ هغه په ختيځ زون کې ثبت شوې چې د ټولو پېښو د ۴۱ سلنه مسووليت يې د دولت د وسله والو مخالفينو، ۳۷ سلنه يې دولت او پاتې نور يې د زورواکو، ناپېژاندو کسانو او د رسنيو د مسوولينو دی.

شېرشاه همدرد اندېښنه وښوده چې په ختيځ کې چارواکي اطلاعاتو ته د لاسرسي او اطلاعاتو ورکړې برخه کې ناغېړي کوي چې له امله يې خبريالان له ستونزو سره مخ دي.

خبريالان هم اطلاعاتو ته د لاسرسي او دغه راز د امنيتي وضعيت په تړاو اندېښنې لري او وايي چې روان کال دې چارواکي دغو برخو ته توجه وکړي.

په ختيځ کې د امريکا غږ خبريال ضياءالرحمن حسرت پژواک ته وويل، خبريالانو ته تېر کال ډېرې اندېښنې وې، ټيلېفوني ګواښونه موجود وو او هم د ټپي کولو او تښتول کېدو پېښې موجودې وې.

هغه زياته کړه: ((رييسانو ځانګړي ټيلېفونونه اخيستي يو طرفه کړي يې دي چې زنګ نه ورځي او موږ ورته لاسرسی نه لرو، وياندويان هم ناغېړي کوي، که د والي وياند موجود نه وي، زموږ ۵۰ سلنه راپورونه به له نشره پاتې وي.))

دا په داسې حال کې ده چې په دې وروستيو کې په افغانستان کې د خبريالانو د وضعيت په تړاو يو شمېر نړيوالو د رسنيو ملاتړ ټولنو اندېښنې ښودلې دي.

Related Article

Add new comment

Advertisement

Advertisement

Twitter Update