Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د ننګرهار زندان د یوې خونې چت لوېدو پېښه کې یوه بندي ښځه مړه شوې

د ننګرهار زندان د یوې خونې چت لوېدو پېښه کې یوه بندي ښځه مړه شوې

By
On
Feb 21, 2019 - 16:26

جلال اباد (پژواک، ۲ کب ۹۷): د ننګرهار ولايت چارواکي وايي، د پرله پسې ورښتونو له امله د ننګرهار محبس د يوې خونې چت لوېدلی چې له امله يې يوه مېرمن مړه شوې او يوه بله له درېیو ماشومان سره ټپي ده.

د ننګرهار د والي وياند عطاءالله خوږياڼي د کب په ۲مه پژواک اژانس ته وويل چې تېره شپه د ننګرهار محبس د مېرمنو په څانګه کې د يوې خونې تير مات شوی او چت يې لوېدلی دی.

دی وايي چې په دې پېښه کې يوه مېرمن مړه شوې، يوه بله او درې ماشومان ټپيان شوي دي.

د خوږياڼي د معلوماتو له مخې، د کوټې تير د پرله پسې ورښتونو له امله مات شوی او ټپيان د درملنې په موخه روغتون ته انتقال شوي چې روغتيايي وضعيت يې د ډاډ وړ دی.

په دې پېښه کې د مړې شوې ښځې په اړه د ننګرهار د بهسودو ولسوالۍ يو اوسېدونکي رحمت الله پژواک ته وويل چې یاده مېرمن هغه څوک وه چې څو مياشتې مخکې يې د کورنۍ له نورو غړو سره يو ځای خپله نګور وژلې وه.

خو د ننګرهار ولایت ویاند وايي چې دغې مړې شوې ښځې باید د محکمې له حکم سره سم ١٦ کاله بند تېر کړى واى.

دا په داسې حال کې ده چې نن د پروان په سیاه ګرد ولسوالۍ کې هم د یوې خونې د چت لوېدو په پېښه کې یوې ښځې خپل ژوند له لاسه ورکړی دی.

Related Article

Add new comment

Advertisement

Advertisement

Twitter Update