Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

شبرغان کې د لاسي توکو يوشمېر پلورونکو په نمایشي بڼه ځانونه پر دار وځړول

شبرغان کې د لاسي توکو يوشمېر پلورونکو په نمایشي بڼه ځانونه پر دار وځړول

By
On
Feb 21, 2019 - 18:23

 شبرغان(پژواک،٢ کب ٩٧): شبرغان ښار کې د لاسي توکو یو شمېر پلورونکو د ښار دننه دوی ته د فعالیت د اجازې نه ورکولو په اعتراض کې د ولایت مقام ودانۍ مخې ته ځانونه په نمایشي بنه پر دار وځړول.

 دوی دغه کار د لاسي توکو پلورنکو له شتونه د ښار د داخلي واټونو د پاکولو په اړه د ولایت مقام د امر په غبرګون کې ترسره کړ.

 د لاسي توکو پلورونکو له ډلې فقیر محمد چې په دغه نمایشي حرکت کې یې ګډون درلود پژواک ته وویل: ((له تېرو څلورو میاشتو راهیسې موږ بې برخلیکه ګرځو او هېڅوک نشته چې زموږ د حق غوښتنه وکړي.))

دغه کس په احساساتي حالت کې وویل: ((ښار په خلکو ښه ښکاري، دلته مسوولان پر څوکیو ناست دي او بېوزله خلک پایمال دي.))

دی وايي،  ددغه ولایت لسګونه ځوانان د کار د نه شتون له امله ایران او پاکستان ته ځي، که ځوانان هره ورځ له وطنه و تښتي سبا امنیتي ځواکونه له کوم ځایه سرتېري جذب کړي.

هغه زياته کړه، که سیمه ییز مسوولین د ولایت په واټونو کې د لاسي توکو پلورونکو د فعالیت په تړاو تصمیم ونه نیسي دوی اړ دي چې په رښتیا ځان په دار و ځړوي.

د صالح محمد په نوم یو بل اعتراض کوونکي پژواک ته وویل، د سیمه ییزو مسوولانو دغه پرېکړه د ننګ یو داغ دی چې بېوزله کسان خپلې غریبۍ ته نه پرېږدي.

دغه اعتراض کوونکي ادعا کوي چې د ښار دننه د مارکېټونو ځينې مالکان له سیمه ییزو چارواکو سره یو ځای غواړي چې د ښار په کچه د لاسي توکو پلورونکو فعالیت له منځه یوسي او کولای شي ډېره ګټه وکړي.

خو د جوزجان د والي ویاند فریدون «انیق» وايي، د شبرغان ښار ټول جوړ شوي مارکېټونه د ښاروالۍ ملکیت دی.

هغه زیاته کړه، د یادو مارکېټونو د جوړېدو موخه د ښار په داخل کې د لاسي توکو پلورونکو له ګڼې ګوڼې څخه مخنیوی او د ترافیکو پر مخ د لارو پرانیستل دي.

په ورته وخت کې د جوزجان د والي ویاند وویل، د ولایت د واټونو د پاکېدو امر له لاسي پلورونکو او نورو طبقو سره د ولایت او ښاروالۍ په تفاهم عملي شوی او دوی یې د واټونو تر ټولولو وروسته هغو ځایونو ته انتقال کړي چې له مخکې ټاکل شوي و.

د انیق په قول، د واټونو په داخل کې د لاسي توکو پلورونکو د موجودیت پر واټونو د نقلیه وسایلو او خلکو د ګډوډۍ لامل شوی و چې اوس یاده ستونزه حل شوې ده.

د شبرغان اوسېدونکي جاوېد پژواک خبري اژانس ته وویل، د لاسي توکو پلورونکي باید د ښار نظم خراب نه کړي او خلکو ته ستونزې جوړې نه کړي.

یاد کس زیاته کړه: ((دوی ته ځای ټاکل شوی خو دوی سستي کوي او نه غواړي چې یادو ځایونو ته لاړ شي.))

هغه د ښار داخلي واټونو ته په اشاره وویل، اوس د لید سیمه خلاصه او هر څوک کولای شي په اسانۍ له یوې سیمې څخه بلې ته تګ راتګ وکړي په داسې حال کې چې مخکې داسې نه وه.

هغه د لاسي توکو پلورونکو اعتراض د ښاروالۍ له چارو سره په ټکر کې وباله او له دوی یې وغوښتل چې قانون مات نه کړي او پرېږدي چې د ښار نظم پر خپل حال پرېږدي.

دا په داسې حال کې ده چې ۲۰ ورځې مخکې د لاسي توکو پلورنکو د یوې اعتراضي اجماع د جوړېدو له لارې له مسوولینو غوښتي و چې دوی ته د ښار په کوڅو او واټونو کې د کار او غریبۍ اجازه ورکړي، خو مسوولینو د لاسي توکو پلورونکو دغې غوښتنې ته منفي ځواب ورکړی و.

Related Article

Add new comment

Advertisement

Advertisement

Twitter Update